ნიდერლანდების სამეფოში არსებული ქართული სამოყვარულო თეატრი „ათინათი“ ლიეტუვას თეატრალურ ფესტივალზე „სამანიშვილის დედინაცვალს“ წარადგენს

ნიდერლანდების სამეფოში არსებული ქართული სამოყვარულო თეატრი „ათინათი“ ლიეტუვას თეატრალურ ფესტივალზე „სამანიშვილის დედინაცვალს“ წარადგენს.

თეატრ „ათინათის“ ხელმძღვანელის, ნათია ახვლედიანის ინფორმაციით, ლიეტუვას ქალაქ კაუნასში სამოყვარულო თეატრების საერთაშორისო ფესტივალზე „მასკარადას“ ნიდერლანდებში მცხოვრები ქართველი ემიგრანტების დასი, 25 ნოემბერს, მაყურებლისა და ჟიურის წინაშე დავით კლდიაშვილის ნაწარმოების მიხედვით დადგმულ სპექტაკლს წარადგენს. სპექტაკლის რეჟისორი ბადრი წერედიანია.

„სამანიშვილის დედინაცვლის“ პრემიერა მიმდინარე წლის გაზაფხულზე ჰოლანდიის ქალაქ პურმერენდის თეატრში შედგა. პუბლიკამ, პრესამ და თეატრალებმა ჩვენი ნამუშევარი დადებითად შეაფასა და გადავწყვიტეთ სამოყვარულო თეატრების საერთაშორისო ფესტივალზე გაგვეტანა ჩვენი ნამუშევარი. ზოგადად, ეს ფესტივალი ორ დღიანია, თუმცა ფესტივალის ორგანიზატორების გადაწყვეტილებით, მეორე დღე მთლიანად ჩვენ დაგვეთმობა, კერძოდ, საფესტივალო პროგრამის მიხედვით, ჩვენი დასის მსახიობების ბაიკო ახვლედიანისა და დავით კლდიაშვილის ქორწილი გაიმართება. საგულისხმოა ის, რომ მსგავსი სანახაობა პირველი იქნება საქართველო-ლიეტუვას ურთიერთობების ისტორიაში. ქორწილის პროცესია ქართულ-ლიეტუვური ტრადიციების მიხედვით აღინიშნება და ერთგვარი თეატრალური სანახაობის სახეს მიიღებს“, - განაცხადა ნათია ახვლედიანმა.

მისივე ინფორმაციით, ფესტივალ „მასკარადასზე“ „ათინათმა“ გასულ წელს სპექტაკლი „ჰელადოსი“ წარადგინა. თეატრი „ათინათი“ ნიდერლანდების სამეფოში მცხოვრებმა ქართველმა ემიგრანტმა თინათინ ახვლედიანმა გარდაცვალებამდე ცოტა ხნით ადრე დააფუძნა, რომლის საქმეს უკვე მისი შვილები, ნათია და ბაიკო ახვლედიანები აგრძელებენ.

გიორგი ანთაძე - თუ ასე გაგრძელდა, დასავლეთთან ურთიერთობების აღდგენას და სათანადო რელსებზე დაბრუნებას დიდი დრო შეიძლება დასჭირდეს, ან კიდევ სულაც წარმოუდგენლად გართულდეს
იოსებ მურმანიშვილი - ოსტეოართრიტის სამკურნალოდ კლინიკა „ნიუმედი“ პაციენტებს ინექციური მკურნალობის მეთოდს სთავაზობს, რაც მნიშვნელოვნად აუმჯობესებს სახსრების ფუნქციას და შესაბამისად ზრდის პაციენტის ცხოვრების ხარისხს
ქართული პრესის მიმოხილვა 15.07.2024
რობინ ვაგენერი - „უცხოური გავლენის გამჭვირვალობის შესახებ“ კანონთან ერთად ევროკავშირში გაწევრიანება აღარ იქნება - ამის შანსი არ არის
ევროკავშირი პროგრამა „განათლება დასაქმებისთვის” ფარგლებში მნიშვნელოვან შედეგებს აქვეყნებს
TNET-ის რეგისტრაციის ოფისი უძრავი და მოძრავი ქონების გაფორმებისა და რეგისტრაციისთვის თბილისში
.ge დომენი წელიწადი 1 ლარად - Domenebi.ge-ს მომხმარებლებს დომენების 2 წლით შეძენა 51 ლარად შეუძლიათ
გაზრდილი სიჩქარე, უცვლელი ფასი