უკრაინის გენშტაბი - რუსებსა და უკრაინელებს შორის ერთ დღეში 80 საბრძოლო შეტაკება მოხდა

რუსულმა ძალებმა, გასული დღის განმავლობაში, უკრაინის წინააღმდეგ ერთი სარაკეტო და 63 საჰაერო დარტყმა განახორციელეს და მრავალჯერადი სარაკეტო სისტემებიდან ცეცხლი 64-ჯერ გახსნეს, - ინფორმაციას უკრაინის შეიარაღებული ძალების გენერალური შტაბი ავრცელებს.

გენშტაბის ცნობით, უკრაინის დამცველებსა და რუსულ საოკუპაციო ძალებს შორის, გასული დღის განმავლობაში, 80 საბრძოლო შეტაკება მოხდა.

ამასთან, რუსულმა ძალებმა ავიადარტყმები განახორციელეს სუმის ოლქის ჩუიკიევკას დასახლებაზე, ხარკოვის ოლქის კისლივკას, სტეპოვა ნოვოსელივკას, კოპანკის, პეტროპავლივკას დასახლებებში, ლუგანსკის ოლქის სერებრიანსკის და ბილოჰორივკას დასახლებებში, დონეცკის ოლქის სივერსკის, სპირნეს, ტერნის, ნოვობახმუტივკას, კლიშჩიივკას, ანდრიივკას, ნოვოკალინოვეს, ოჩერეტინეს, ავდიივკას, ორლივკას, ლასტოჩკინეს, ჰეორჰიივკას, მარინკას, ნოვომიხაილივკას, კატერინივკა, უროჟაინი, სტარომაიორსკე და შახტარსკი დასახლებებში, ზაპოროჟიეს ოლქის რობოტინოს დასახლებასა და ხერსონის ოლქის ტიაჰინკას დასახლებაზე.

უკრაინის გენშტაბში აცხადებენ, რომ რუსულმა ძალებმა ჩერნიგოვის, სუმის, ხარკოვის, ლუგანსკის, დონეცკის, ზაპოროჟიეს, ხერსონისა და მიკოლაივის ოლქების 120-ზე მეტი დასახლების წინააღმდეგ საარტილერიო ცეცხლი გახსნა.

მოწინააღმდეგის საპასუხოდ, უკრაინის საჰაერო ძალებმა რუსების კუთვნილი ორი საარტილერიო სისტემის, თავმოყრის 8 ადგილის, იარაღისა და სამხედრო ტექნიკისა და საჰაერო თავდაცვის ორი სისტემის წინააღმდეგ 10 საჰაერო დარტყმა განახორციელეს.

გიორგი ბილანიშვილი - რუსეთს არც ერთ ფუნდამენტურ საკითხში საქართველოს მიმართებაში საკუთარი დამოკიდებულება ჩვენთვის სასარგებლოდ არ შეუცვლია, ხოლო საქართველოზე გავლენის ბერკეტები კი განიმტკიცა და გაზარდა
რა ხდება ბანკებისა და სადაზღვევო კომპანიების ურთიერთობაში? - ინტერვიუ დაზღვევის კავშირის აღმასრულებელ მდივანთან, ლაშა ნიკოლაძესთან
ქართული პრესის მიმოხილვა 30.11.2023
1 იანვრიდან შპს „თელავგაზის“ არასაყოფაცხოვრებო (კომერციული) მომხმარებლებისთვის ბუნებრივი გაზის საფასური შეიცვლება
1 იანვრიდან შპს „სოკარ ჯორჯია გაზისა“ და სს „საქორგგაზის“ არასაყოფაცხოვრებო (კომერციული) მომხმარებლებისთვის ბუნებრივი გაზის საფასური შეიცვლება
CROSSOVER: კიდევ ერთის ძალა - ლურჯი ოკეანე ახალ, ყოველწლიურ ბიზნესღონისძიებას იწყებს
ზუმერის e-Commerce ევოლუცია - 5 მთავარი სიახლე zoommer.ge-ზე
სილქნეტი - დაჭრილ მებრძოლთა მხარდასაჭერად სამხედრო ატაშეების მარათონი გაიმართა
რატომ უნდა შეიძინოთ მშენებარე ბინა ნუცუბიძეზე?
26 ნოემბერს „ზეთისხილის მსოფლიო დღე“ აღინიშნა
„არქი მაიამი“ – დეველოპერული კომპანია „არქი“ ფლორიდის შტატში, მაიამისთან მულტიფუნქციურ კომპლექსს ააშენებს