სს „ენერგო-პრო ჯორჯიამ“ ელექტროგადამცემი ხაზის რეაბილიტაციისთვის 2 000 000 ლარის ინვესტიცია განახორციელა

მაღალი ძაბვის ელექტროგადამცემი ხაზის ,,ჩხარი“ რეაბილიტაცია-რეკონსტრუქცია დასრულდა. აღნიშნული ხაზით ელექტროენერგია რაჭის რეგიონს და ტყიბულის მუნიციპალიტეტს მიეწოდება. აღნიშნულის შესახებ ინფორმაციას „ენერგო-პრო ჯორჯია“ ავრცელებს.

მათივე ცნობით, „ენერგო-პრო ჯორჯიამ“ ხაზის რეაბილიტაციისთვის 2 000 000 ლარის ინვესტიცია განახორციელა. ხაზის მთელ სიგრძეზე ამორტიზებული მონაკვეთები სრულად განახლდა, დამონტაჟდა ახალი საყრდენები, მოეწყო ახალი ფუნდამენტები, შეიცვალა სახაზო არმატურა, რაც ელექტროგადამცემი ხაზის გაცილებით შეუფერხებელ და იმედიან ფუნქციონირებას უზრუნველყოფს .

„ხაზის რეაბილიტაცია-რეკონსტრუქცია, დაახლოებით, 1 წელი მიმდინარეობდა. კონტრაქტორი ფირმის წარმომადგენლები და ჩვენი კომპანიის თანამშრომლები ყველაფერს აკეთებდნენ, რომ სამუშაოები ხარისხიანად შესრულებულიყო. სამუშაოების წარმოების ხანგრძლივობა იმის გათვალისწინებით დაიგეგმა, რომ ელექტროენერგიის მიწოდების გეგმური შეზღუდვები ხშირი არ ყოფილიყო. საბოლოოდ, ყველა სამუშაო ხარისხიანად შესრულდა“, - განაცხადა სს „ენერგო-პრო ჯორჯიას“ დირექტორთა საბჭოს თავმჯდომარემ, გიგა მამისეიშვილმა.

„ენერგო-პრო ჯორჯია“ მის კუთვნილ ქსელში არსებული ინფრასტრუქტურის სარეაბილიტაციო სამუშაოებს განაგრძობს.

ლევან ლორთქიფანიძე - დამოუკიდებლობის დღეს ვხვდებით შფოთით, ბრაზით, არასტაბილურობის შეგრძნებით და ბუნდოვანი მომავლით
ქართული პრესის მიმოხილვა 22.05.2025
სტეპან  გრიგორიანი - ლავროვის გზავნილი სომეხი ხალხისთვის ასეთი იყო - რუსეთი უკრაინაში ბოლომდე იბრძოლებს, თქვენ კი გაფრთხილებთ - თუ  გააგრძელებთ ევროკავშირთან ინტეგრაციას, კარგ დღეში თქვენც არ იქნებით
„ბრიტანულ ქართული აკადემიის“ დამფუძნებლები „საქართველოს კაპიტალის“ ლონდონის საფონდო ბირჟიდან გარიცხვას ითხოვენ
შპს „წინანდლის ვენახები“ განცხადებას ავრცელებს
მორიგი მნიშვნელოვანი პარტნიორობა უძრავი ქონების ბაზარზე
ისარგებლე „სილქნეტის“ 90-დღიანი პაკეტებით მთელი ზაფხული
გადაიხადეთ SOLO MASTERCARD World Elite ბარათით Dressup.ge-ზე და მიიღეთ 40%-იანი „ქეშბექი“
„ფავორიტი სტილის“ ახალი შენობა და ტექნოლოგიური განახლება - კომპანია ახალ ეტაპზე გადადის