საქართველოს ნამდვილად აქვს ნატო-ში გაწევრიანების მკაფიო პერსპექტივა. ნატო-მ 2008 წელს ბუქარესტში განაცხადა, საქართველო ნატო-ს წევრი გახდება. გაერთიანებული სამეფო ამას მტკიცედ უჭერს მხარს, - ამის შესახებ საქართველოში გაერთიანებული სამეფოს ელჩმა, მარკ კლეიტონმა განაცხადა.

მისი თქმით, საქართველოს აქვს ყველა ხელმისაწვდომ ინსტრუმენტი, რაც ეხმარება მას ნატო-ში გაწევრიანებაში სვლისკენ.

„ვფიქრობ, რომ საქართველო ძალიან კარგად არის ჩართული ალიანსში, მაგრამ საქმე არ ეხება მხოლოდ სამხედრო თავსებადობას, ნატო არის პოლიტიკური სამხედრო ალიანსი, როგორც ევროკავშირი მოითხოვს შემდგომ პროგრესს რეფორმებთან დაკავშირებით, ასევე არის ნატოც. რეფორმების ეს პროცესი ერთმანეთს ემთხვევა. ასე რომ, რაც ხელს შეუწყობს საქართველოს ევროკავშირისკენ გზაზე, ხელს შეუწყობს მას ნატო-სკენ მიმავალ გზაზეც“, - აღნიშნა ელჩმა.