რუმინეთში სასწავლო ცენტრი გაიხსნა, სადაც უკრაინელი მფრინავები F-16-ებზე მომზადებას გაივლიან, - ამის შესახებ ინფორმაციას რუმინეთის თავდაცვის სამინისტრო ავრცელებს.

რუმინეთის თავდაცვის მინისტრმა, ანხელ ტილვარმა და ნიდერლანდების თავდაცვის მინისტრმა, კაისა ოლონგრენმა „ფეტეშტის“ 86-ე საავიაციო ბაზაზე F-16-ებზე ფრენის მომზადების ევროპული სასწავლო ცენტრი გახსნეს.

რუმინეთის თავდაცვის სამინისტროს ცნობით, ცენტრი საერთაშორისო ხასიათის იქნება და მოკავშირეებს შორის თანამშრომლობას გააძლიერებს. სასწავლო ცენტრში მომზადების გავლას პილოტები რუმინეთიდან, უკრაინიდან და სხვა პარტნიორი სახელმწიფოებიდან შეძლებენ.

გავრცელებული ინფორმაციით, რუმინულ სასწავლო ცენტრში უკრაინელი მფრინავების მომზადება დაახლოებით ექვს თვეს გაგრძელდება.