ალუდა ღუდუშაური ავსტრიის რესპუბლიკის პარლამენტის ფედერალური საბჭოს პრეზიდენტს შეხვდა

საქართველოს პარლამენტის ადამიანის უფლებათა დაცვისა და სამოქალაქო ინტეგრაციის კომიტეტის თავმჯდომარის პირველი მოადგილე ალუდა ღუდუშაური ავსტრიის რესპუბლიკის პარლამენტის ფედერალური საბჭოს პრეზიდენტს კლაუდია არპას და მისი თანმხლები დელეგაციის წევრებს შეხვდა.

საქართველოს პარლამენტის პრესსამსახურის ცნობით, შეხვედრაზე მხარეებმა ისაუბრეს ევროინტეგრაციის პროცესზე და ამ გზაზე საქართველოს, კერძოდ კი, პარლამენტის მიერ გადადგმულ ნაბიჯებზე, რომელიც საქართველოს კანონმდებლობის ევროპულ კანონმდებლობასთან დაახლოებას ეხება. ყურადღება დაეთმო, ასევე, საქართველოსა და ავსტრიის პარლამენტების ურთიერთობის განმტკიცებას და სამომავლო თანამშრომლობის გეგმებს.

„შეხვედრაზე ავსტრიელ კოლეგებს მივაწოდე ინფორმაცია ჩვენი ქვეყნის ევროპულ სტრუქტურებთან დაახლოების კუთხით პარლამენტის, მათ შორის, ადამიანის უფლებათა დაცვისა და სამოქალაქო ინტეგრაციის კომიტეტის მიერ გადადგმული ნაბიჯების შესახებ. გავაცანი კომიტეტის მიერ ადამიანის უფლებების, განსაკუთრებით კი ქალთა და ბავშვთა უფლებების დაცვის კუთხით გაწეული საქმიანობა და ის საკანონმდებლო ბაზა, რომელიც ამ მიმართულებით შექმნა პარლამენტმა. მნიშვნელოვანია, რომ ჩვენი მხრიდან გატარებული რეფორმები დადებითად შეფასდა და მოწონებულია. რაც ყველაზე მთავარია, ავსტრიის მხარისგან მივიღეთ საქართველოსადმი მტკიცე მხარდაჭერა ევროინტეგრაციის გზაზე, რომელიც ევროკავშირში ჩვენი ქვეყნის საბოლოო გაწევრებას უკავშირდება", - განაცხადა ალუდა ღუდუშაურმა შეხვედრის შემდეგ.

მათივე ცნობით, შეხვედრას ასევე ესწრებოდა საქართველოს საგანგებო და სრულუფლებიანი ელჩი ავსტრიის რესპუბლიკაში, საქართველოს მუდმივი წარმომადგენელი ეუთოსა და ქ. ვენაში განლაგებულ საერთაშორისო ორგანიზაციებში ქეთევან ციხელაშვილი.

ზაზა ფირალიშვილი -  მხოლოდ ერთი ნაბიჯია იმ ზღვრულ მომენტამდე, რომლის შემდეგაც ან დაუფარავი ავტორიტარიზმია, ან - პოლიტიკური კრახი
ვახტანგ ძაბირაძე - 30 წელზე მეტია, ჩვენთან ერთად თუ ვინმეა საქართველოს სუვერენიტეტის დამცველი, ჩვენი დასავლელი პარტნიორები არიან
ქართული პრესის მიმოხილვა 18.04.2024
კერძო ბიზნესის დახმარება რაიონის სკოლებს - „ნიკორა ჯგუფი“ განათლების მხარდაჭერას აგრძელებს
Hotsale.ge-მ „პრო ბონო მარათონი 2024“-ში მიიღო მონაწილეობა
კახა ოქრიაშვილი - საქართველოს მოსახლეობის 95% ევროპის გავლენის აგენტები ვხდებით!
საქართველოს ხელოვანები მიმდინარე პროცესებს ეხმიანებიან
Samsung Knox-მა 2024 წლის ტელევიზორებში უსაფრთხოების მაღალი სტანდარტების უზრუნველყოფისთვის CC სერტიფიკატი მიიღო