საერთაშორისო პარტნიორებთან ერთად დაშავებული პალესტინელი ბავშვების ნიდერლანდებში გადაყვანას განვიხილავთ, - ამის შესახებ ნიდერლანდების საგარეო საქმეთა მინისტრმა, ჰანკე ბრუინს სლოტმა განაცხადა.

„ჩვენ საერთაშორისო პარტნიორებთან ერთად დაშავებული პალესტინელი ბავშვების ნიდერლანდებში გადაყვანის შესაძლებლობას განვიხილავთ“, - წერს ჰანკე ბრუინს სლოტი „ტვიტერის“ გვერდზე.

მისი თქმით, "ძალიან შეშფოთებულია ღაზაში ჰუმანიტარული მდგომარეობის გაუარესებით".

"უამრავ ადამიანს, მათ შორის ბავშვებს, სასწრაფო სამედიცინო დახმარება ესაჭიროებათ. ღაზაში ჰუმანიტარული მდგომარეობის დაუყოვნებლივ გასაუმჯობესებლად მეტი უნდა გაკეთდეს“, - აღნიშნა ნიდერლანდების საგარეო საქმეთა მინისტრმა.

ჰანკე ბრუინს სლოტმა დასძინა, რომ ღაზას ჰუმანიტარული მდგომარეობის საკითხი დღეს ევროკავშირის საგარეო საქმეთა საბჭოზეც დააყენა.