გაერთიანებული სამეფოს ახლად დანიშნულმა საგარეო საქმეთა მინისტრმა, დევიდ კამერონმა და აშშ-ის სახელმწიფო მდივანმა, ენტონი ბლინკენმა ისრაელი-ღაზას ომის შესახებ ისაუბრეს.

მედიის ინფორმაციით, დევიდ კამერონმა და ენტონი ბლინკენმა ისაუბრეს „ისრაელის თავდაცვის უფლებაზე და ჰუმანიტარული პაუზების აუცილებლობაზე ღაზაში დახმარების უსაფრთხო გატარების მიზნით“.

ამასთან, გაერთიანებული სამეფოს საგარეო მინისტრმა და აშშ-ის სახელმწიფო მდივანმა უკრაინის მიმართ მხარდაჭერაც გამოხატეს.

აშშ-ის სახელმწიფო დეპარტამენტის ინფორმაციით, ბლინკენმა და კამერონმა ხაზგასმით აღნიშნეს აშშ-გაერთიანებული სამეფოს განსაკუთრებული ურთიერთობა და მისი მნიშვნელობა რეგიონული და გლობალური უსაფრთხოებისთვის.