ბრაზილიის პრეზიდენტი, ლულა ღაზადან გამოყვანილ ბრაზილიის მოქალაქეებს დახვდა და ღაზაში არაადამიანური ძალადობა დაგმო.

ამის შესახებ ინფორმაციას სააგენტო Reuters-ი ავრცელებს.

ბრაზილიის პრეზიდენტი, ლუის ინასიო ლულა და სილვა ბრაზილიის 32 მოქალაქეს, რომლებიც მთავრობამ ღაზას სექტორიდან ერთთვიანი მოლაპარაკებების შემდეგ გამოიყვანა, სამშობლოში დახვდა.

პრეზიდენტმა ლულამ დაბრუნებულ ბრაზილიელებს თანადგომა გამოუცხადა და ღაზაში მშვიდობიანი მოსახლეობის მიმართ განხორციელებული ძალადობა დაგმო.

„არასდროს მინახავს უდანაშაულო ადამიანების მიმართ ჩადენილი ასეთი სასტიკი, არაადამიანური ძალადობა“, - განაცხადა ლულამ.