Reuters - ტაივანი მუშაობს, რომ აზია-წყნარი ოკეანის ეკონომიკური თანამშრომლობის სამიტზე, ჯო ბაიდენთან პირისპირ შეხვედრა შედგეს
ტაივანი მუშაობს, რომ აზია-წყნარი ოკეანის ეკონომიკური თანამშრომლობის სამიტზე, ჯო ბაიდენთან პირისპირ შეხვედრა შედგეს, - ამის შესახებ ინფორმაციას სააგენტო Reuters-ი ავრცელებს.
Reuters-ის ცნობით, ტაივანი სან-ფრანცისკოში, აზია-წყნარი ოკეანის ეკონომიკური თანამშრომლობის სამიტზე, აშშ-სთან ინდივიდუალური შეხვედრის უზრუნველყოფაზე მუშაობს.
ტაივანის ეროვნული უშიშროების საბჭოს ხელმძღვანელმა, ველინგტონ კუმ, ტაიბეიში ჟურნალისტებს განუცხადა, რომ კუნძულის მთავრობა მიზნად ისახავს აზია-წყნარი ოკეანის ეკონომიკური თანამშრომლობის სამიტზე ტაივანის წარმომადგენელს, მორის ჩანგსა და აშშ-ის პრეზიდენტს, ჯო ბაიდენს შორის შეხვედრა შედგეს.
„ორივე მხარე განიხილავს შეხვედრასთან დაკავშირებულ ღონისძიებებს“, - განაცხადა კუმ.
თეთრ სახლს ტაივანის წარმომადგენელთან პოტენციური ინდივიდუალური შეხვედრის დაგეგმვის შესახებ კომენტარი არ გაუკეთებია.
