თქვენ მკითხეთ, თუ რა რჩევა მექნებოდა ხელისუფლებისა და ოპოზიციისთვის და გიპასუხებთ, რომ ყველაფრის ქვაკუთხედი არის უკვე კარგად ნაცნობი დეპოლარიზაცია, - ამის შესახებ საქართველოში გერმანიის ელჩმა პეტერ ფიშერმა „ინტერპრესნიუსისთვის“ მიცემულ ექსკლუზიურ ინტერვიუში განაცხადა.

მისი თქმით, ევროკავშირს სურს დარწმუნდეს, რომ საქართველოს დამოუკიდებელი და მიუკერძოებელი ინსტიტუტები აქვს, ამიტომაც საქართველოს ხელისუფლებას მოუწოდებს, რეფორმების გატარება გააგრძელოს.

„თქვენ მკითხეთ, თუ რა რჩევა მექნებოდა ხელისუფლებისა და ოპოზიციისთვის და გიპასუხებთ, რომ ყველაფრის ქვაკუთხედი არის უკვე კარგად ნაცნობი დეპოლარიზაცია. ევროკავშირის სტილის დემოკრატიაში, პოლიტიკურ პარტიებს და სამოქალაქო საზოგადოებას მოუწოდებენ ერთად იმუშაონ კონსტრუქციულად. პირველი ნაბიჯი არის მეორე მხარის ლეგიტიმურად მიღება. თუ პოლიტიკური დისკურსი ამოიწურება იმის თქმით, რომ არ ხარ ლეგიტიმური, უნდა გაქრე, მაშინ კონსტრუქციული დისკუსია შეუძლებელი ხდება და მე დემოკრატიის შესახებ შემდეგი გამონათქვამი ძალიან მომწონს - დემოკრატიაში არ არის რთული, რომ იყო მართალი, არამედ რთულია კომპრომისზე წასვლა“,-განაცხადა მან.

ინტერვიუს სრული ვერსია იხილეთ ბმულზე.