წითელი ჯვრის საერთაშორისო კომიტეტის პრეზიდენტი, მირიანა სპოლარიჩი „ჰამასის“ მძევლების ოჯახის წევრებს შეხვდება, - ამის შესახებ ინფორმაციას წითელი ჯვარი ავრცელებს.
„მძევლების აყვანა საერთაშორისო ჰუმანიტარული სამართლის მიხედვით აკრძალულია. ჩვენ ვაგრძელებთ მძევლების გათავისუფლების მოთხოვნას და ყველაფერს ვაკეთებთ, რომ მათთან წვდომის უფლება მივიღოთ“, - განაცხადა სპოლარიჩმა.
„ჰამასის“ მძევლების ოჯახის წევრებს წითელი ჯვრის საერთაშორისო კომიტეტის პრეზიდენტი, მირიანა სპოლარიჩი ისრაელის საგარეო საქმეთა მინისტრ, ელი კოენთან და ჯანდაცვის მინისტრ, ურიელ მენაჰემ ბუსოსთან ერთად შეხვდება.
„მძევლების ოჯახები წარმოუდგენლად ამაღელვებელ დროში ცხოვრობენ და ვიცი, რა დიდ ტკივილს განიცდიან ისინი, ამიტომ მინდა ხაზი გავუსვა იმას, რომ მათ მხარს ვუჭერთ“, - აღნიშნა წითელი ჯვრის საერთაშორისო კომიტეტის პრეზიდენტმა.
