ლადო პაპავა - ეროვნული ბანკის გადაწყვეტილება ციფრული ბანკის ლიცენზიის გაცემასთან დაკავშირებით არის აბსოლუტურად სწორი და თანამედროვე სტანდარტების შესაბამისი

ციფრული საქმიანობა ის ახალი პროდუქტია, ის ახალი სფეროა, რომელიც თანდათან იკიდებს ფეხს მთელ მსოფლიოში და მისასალმებელია, რომ ამის პრეცედენტები უკვე შექმნილია საქართველოში, - ამის შესახებ აკადემიკოსმა ვლადიმერ პაპავამ ახალი ციფრული ბანკისთვის საბანკო საქმიანობის ლიცენზიის გაცემის კომენტარისას განაცხადა.

მისი თქმით, საქართველოს ეროვნული ბანკის გადაწყვეტილება ციფრული საბანკო საქმიანობისთვის ლიცენზიის გაცემასთან დაკავშირებით, არის აბსოლუტურად სწორი, რადგან საქართველო არ უნდა ჩამოუვარდეს საერთაშორისო სტანდარტებს.

„აღსანიშნავია, რომ ციფრული ბანკის ლიცენზია მოიცავს საცდელ პერიოდს, ანუ თავდაპირველად გაცემული ლიცენზია არ არის სრულფასოვანი, პირველი შვიდი თვე მხოლოდ სატესტო ოპერაციები განხორციელდება, დეპოზიტების მოზიდვა, სესხების გაცემა და სხვა საბანკო ოპერაციები შეზღუდული იქნება, რაც აბსოლუტურად სწორია. ეს არის სტანდარტული მიდგომა ნებისმიერ ახალ საქმიანობასთან დაკავშირებით, განსაკუთრებით ისეთ ახალ სფეროსთან, როგორიცაა ციფრული ბანკინგი“, - აღნიშნა ლადო პაპავამ.

მისივე განმარტებით, 7-თვიანი საცდელი პერიოდი საერთაშორისო გამოცდილებით მიღებული პრაქტიკაა, მსგავსი საქმიანობა კი როგორც წესი შეთანხმებულია საერთაშორისო სავალუტო ფონდის მიდგომებთან და სტანდარტებთან, შესაბამისად ცალკეული ქვეყნების ცენტრალური ბანკების გადაწყვეტილებები მკაცრად რეგლამენტირებულია საერთაშორისო სტანდარტებით.

გიორგი გობრონიძე - ხელისუფლება საზოგადოებასთან ბოლომდე გულწრფელი არ არის
ქართული პრესის მიმოხილვა 22.07.2024
კახეთის გზატკეცილზე „კარფურის” სუპერმარკეტი უკვე გაიხსნა
„ბიოგრაფი ლივინგი“ დეველოპერულ ბაზარზე მოღვაწეობის პირველივე წლის ბოლოს მე-4 ახალ პროექტს იწყებს
Keepz-მა ღია ბანკინგის ლიცენზია მიიღო