ბენიამინ ნეთანიაჰუ ჯასტინ ტრუდოს - ორმაგი ომის დანაშაულის ჩადენისთვის პასუხი „ჰამასმა“ და არა ისრაელმა უნდა აგოს -  ცივილიზაციის ძალებმა მხარი უნდა დაუჭირონ ისრაელს „ჰამასის“ ბარბაროსობის დამარცხებაში

ძალებმა მხარი უნდა დაუჭირონ ისრაელს „ჰამასის“ ბარბაროსობის დამარცხებაში ის, ვინც განზრახ თავს ესხმის მშვიდობიან მოსახლეობას, არის არა ისრაელი, არამედ „ჰამასი“, რომელმაც თავები მოჰკვეთა, დაწვა და დახოცა მშვიდობიანი მოქალაქეები, - ასე პასუხობს ისრაელის პრემიერ-მინისტრი, ბენიამინ ნეთანიაჰუ კანადის პრემიერის, ჯასტინ ტრუდოს განცხადებას, რომ ისრაელმა ღაზაში ქალებისა და ბავშვების დახოცვა უნდა შეწყვიტოს.

„მაშინ, როცა ისრაელი ყველაფერს აკეთებს იმისთვის, რომ მშვიდობიანი მოქალაქეები საფრთხისგან დაიცვას, „ჰამასი“ ყველაფერს აკეთებს იმისთვის, რომ მათ ზიანი მიაყენოს. ისრაელი უზრუნველყოფს მშვიდობიანი მოსახლეობას ღაზაში ჰუმანიტარული დერეფნებით და უსაფრთხო ზონებით, „ჰამასი“ მათ გასვლას იარაღით უშლის ხელს. ორმაგი ომის დანაშაულის ჩადენისთვის - მშვიდობიანი მოსახლეობის ზურგს უკან დამალვით მათი მიზანში ამოღებისთვის - პასუხი „ჰამასმა“ და არა ისრაელმა უნდა აგოს. ცივილიზაციის ძალებმა მხარი უნდა დაუჭირონ ისრაელს „ჰამასის“ ბარბაროსობის დამარცხებაში“, - წერს ნეთანიაჰუ სოციალურ ქსელში.

კანადის პრემიერ-მინისტრმა ჯასტინ ტრუდომ გუშინ განაცხადა, რომ ისრაელმა უნდა შეწყვიტოს ქალების, ბავშვების და ჩვილების მკვლელობა ღაზაში. „მსოფლიო ხდება ქალების, ბავშვების, ჩვილების მკვლელობის მოწმე. ეს უნდა შეწყდეს“,- აღნიშნა ტრუდომ.

ალექსანდრე თვალჭრელიძე - ძალიან მინდა დავიჯერო, რომ ჩინური კომპანიის შერჩევა პროექტის განსახორციელებლად უბრალოდ გაუაზრებელი ნაბიჯია და არა პოლიტიკური ტრენდის შეცვლის შემაშფოთებელი ნიშანი
Webster University Georgia-ს რექტორი ჟან პოლ ვან მარისინგი - უნივერსიტეტს აქვს პოტენციალი, რეგიონის საგანმანათლებლო ჰაბი გახდეს
ქართული პრესის მიმოხილვა 24.06.2024
„საქკაბელმა“ ბრონირებული NAYBY კაბელის წარმოება დაიწყო
4 რჩევა სამსუნგის ინჟინრებისგან თუ როგორ გამოიყენო Windfree კონდიციონერი ყველაზე ეფექტურად