სტუ-ში, Erasmus+ აკადემიური პერსონალის მობილობის კვირეულის ფარგლებში, ოსტრავას ტექნიკური უნივერსიტეტის ინჟინერიის ფაკულტეტის აკადემიური პერსონალი შეხვედრებს მართავს

საქართველოს ტექნიკურ უნივერსიტეტში, Erasmus+ აკადემიური პერსონალის მობილობის კვირეულის ფარგლებში, ვიზიტით მყოფი ოსტრავას (ჩეხეთი) ტექნიკური უნივერსიტეტის ინჟინერიის ფაკულტეტის დეკანი, პროფესორი ჯირი პოკორნი, ამავე ფაკულტეტის პროფესორ-ასისტენტი მარეკ სმეტანა და პროფესორი ვერონიკა მეკა, სტუ-ის სამთო გეოლოგიური ფაკულტეტის დეკანის მოადგილეს საერთაშორისო ურთიერთობებისა და მეცნიერების დარგში ნინა მაისურაძეს და შრომის უსაფრთხოებისა და საგანგებო სიტუაციების მართვის დეპარტამენტის უფროსს, პროფესორ ნინო რატიანს შეხვდნენ.

ამის შესახებ ინფორმაციას სტუ ავრცელებს.

უნივერსიტეტის ცნობით, შეხვედრაზე, რომელსაც ესწრებოდნენ: სამთო-გეოლოგიური ფაკულტეტის დეკანი, პროფესორი ანზორ აფშილავა, ფაკულტეტის პროფესორ-მასწავლებლები, სტუდენტები, სტუ-ის საერთაშორისო ურთიერთობების დეპარტამენტის წარმომადგენლები მარიკა ზვიადაძე და ნინო ჟიჟილაშვილი, ოსტრავას ტექნიკური უნივერსიტეტის ინჟინერიის ფაკულტეტის წარმომადგენლებმა ოთხი პრეზენტაცია - „კრიზისების მართვა“, „სახანძრო უსაფრთხოება“, “სამოქალაქო თავდაცვა“, „ვირტუალური რეალობა და მოდელირება უსაფრთხოებაში“, წარადგინეს.

სტუ-ის ინფორმაციით, შეხვედრაზე სამთო-გეოლოგიური ფაკულტეტის პროფესორმა ომარ ლანჩავამ განსახილველად წარადგინა პრეზენტაცია თემაზე: „გვირაბის ხანძრის დროს ჩახშობის ეფექტის შესწავლა’’. სამთო-გეოლოგიური ფაკულტეტის დეკანის მოადგილის, პროფესორ ნინა მაისურაძის თქმით, ჩეხ კოლეგებთან შეხვედრა საინტერესოდ წარიმართა. სტუმრებმა კოლეგები ოსტრავას ტექნიკურ უნივერსიტეტში მიიწვიეს. ვიზიტის ფარგლებში, ჩეხმა სტუმრებმა სამთო-გეოლოგიური ფაკულტეტის სასწავლო ლაბორატორიები და მუზეუმები დაათვალიერეს. ინფორმაციისთვის, საქართველოს ტექნიკურ უნივერსიტეტს მჭიდრო თანამშრომლობა აკავშირებს ჩეხეთის რესპუბლიკის ჰრადეც კრალოვეს და ტექნიკურ უნივერსიტეტებთან, ჩეხეთის რესპუბლიკის მეცნიერებათა აკადემიის თეორიული და გამოყენებითი მექანიკის ინსტიტუტთან, ოსტრავას ტექნიკური უნივერსიტეტსა და ბრნოს მენდელის უნივერსიტეტთან.

ნატალი საბანაძე - ევროკავშირის გაფართოების საკითხი 15 დეკემბერს რომ ჩავარდეს, პუტინისთვის გადასარევი საახალწლო საჩუქარი იქნება - რთული სათქმელია, ორბანი პირდაპირ იღებს თუ არა დაკვეთებს, მაგრამ ფაქტია, რომ რუსეთთან რაღაც ინტერესების თანხვედრაა
ქართული პრესის მიმოხილვა 07.12.2023
კახა გოგოლაშვილი - გალის კონფლიქტების პრევენციის ფორმატი რუსეთს აფხაზეთსა და საქართველოს შორის სახმელეთო სატრანზიტო კორიდორის აღდგენისა და საქართველოსა და რუსეთს შორის ვაჭრობის გაზრდისთვის სჭირდება
თორნიკე კორძაია - „ლიბერთის“ მთავარი ძალა ჩვენიანებშია!
„ვისოლ ჯგუფმა“ დღეს ერთდროულად „საბვეის“ კიდევ 3 რესტორანი გახსნა
„ევექსის“ ბავშვთა ნეიროგანვითარების ცენტრი „კარავი“ გაიხსნა
ტექტო ჯგუფი: ISO სერტიფიკატის მფლობელი სამშენებლო კომპანია
ზუმერმა Trade-In წარადგინა