ანტიკორუფციული ბიუროს უფროსი ანდალუსიის თაღლითობასთან ბრძოლის ოფისის დირექტორს შეხვდა

ანტიკორუფციული ბიუროს უფროსი რაჟდენ კუპრაშვილი, ანდალუსიის პარლამენტში, ანდალუსიის თაღლითობასთან ბრძოლის ოფისის (OAAF) დირექტორს რიკარდო პუიოლ სანჩენს შეხვდა.

ანტიკორუფციული ბიუროს ინფორმაციით, შეხვედრაზე მხარეებმა ანდალუსიის თაღლითობასთან ბრძოლის ოფისის სტრუქტურა და ძირითადი მიმართულებები განიხილეს. ასევე, ყურადღება დაეთმო საქართველოს ანტიკორუფციული ბიუროს სტრატეგიული ამოცანების გაცნობასა და შემდგომი თანამშრომლობის მიზნით, მნიშვნელოვანი მიმართულებებისა და სამომავლო შესაძლებლობების განხილვას.

„შეხვედრაზე აღინიშნა ანტიკორუფციული ბიუროს ევროპული კეთილსინდისიერებისა და მხილების უწყებათა ქსელში (NEIWA) ჩართვის შესაძლებლობა.

ევროპული კეთილსინდისიერებისა და მხილების უწყებათა ქსელი (NEIWA) 2019 წელს ჰააგაში დაარსდა, რომელიც ევროკავშირის წევრი ქვეყნების „კომპეტენტურ ორგანოებს“ აერთიანებს. ქსელში გაწევრიანებული უწყებები ერთმანეთს უზიარებენ თავიანთ გამოცდილებას როგორც თეორიულ, ასევე პრაქტიკულ და სტრატეგიულ დონეზე.

შეხვედრას ასევე ესწრებოდნენ: მანუელ პერეს პინასი, დირექტორის მოადგილე იურიდიულ საკითხებში; ლუისა ვის გალვანი, დირექტორის მოადგილე გამოძიებისა და ინსპექტირების საკითხებში; ხოსე მარია მარტინეს გარსია, კადრების უფროსი; ხოსე სანტიაგო ტორეს პრიეტო, Torres & Oliva Legal Advisory დირექტორი; ვასილ ბაბლუანი, ანტიკორუფციული ბიუროს მრჩეველი“, - ნათქვამია ინფორმაციაში.

რას გულისხმობს ეროვნულ სასწავლო გეგმაში ცვლილებები, როგორ მიმდინარეობს სკოლების ავტორიზაციის პროცესი და იგეგმება თუ არა დირექტორების ვაკანტურ თანამდებობებზე კონკურსის გამოცხადება - ინტერვიუ განათლების მინისტრის მოადგილესთან
ავთანდილ წულაძე  - გერმანიის ექსპერტებმა მოამზადეს მოხსენება, რომლის მიხედვითაც გერმანია ტოტალურად უნდა მოემზადოს რუსეთისაგან თავის დასაცავად
ქართული პრესის მიმოხილვა 27.11.2023
მიხეილ ბატიაშვილი - ქვეყნის ყველაზე მასშტაბური, ციფრული საინფორმაციო ფონდი მალე ხელმისაწვდომი გახდება
გაიცანით Kreston Georgia: გლობალური ექსპერტიზა გლობალური წარმატებისთვის
თიბისის მხარდაჭერით, კოლიერსი საგურამოში და ლისზე საცხოვრებელ პროექტებს განახორციელებს
საქართველოში „The Luxury Collection“-ის კლასის სასტუმრო „პარაგრაფ თბილისი“ გაიხსნა
ახალი Toyota C-HR: ავტომობილი, რომელსაც საქართველოში ბევრი ელოდება
ვალუტის გადარიცხვის ახალი სერვისი - Visa B2B Connect
Gebrüder Weiss თბილისში არსებული ლოგისტიკური ცენტრის რიგით მესამე გაფართოებას იწყებს