ირაკლი კობახიძე ოპოზიციაზე - აბსოლუტურად ყალბია მათი ნებისმიერი ქმედება, რომელიც დაკავშირებულია თითქოს ევროინტეგრაციის საკითხებთან - სინამდვილეში ყველაფერს აკეთებდნენ, რომ ქვეყანას კანდიდატის სტატუსი არ მიეღო

„ქართული ოცნების“ თავმჯდომარის ირაკლი კობახიძის განცხადებით, აბსოლუტურად ყალბია ოპოზიციის ნებისმიერი ქმედება, რომელიც დაკავშირებულია თითქოს ევროინტეგრაციის საკითხებთან.

როგორც მან ჟურნალისტებს განუცხადა, როცა ევროკომისია სამუშაო პროცესებში ჩართვისკენ მოუწოდებს ოპოზიციას და ის ამას არ ასრულებს, აქედან ჩანს მათი დამოკიდებულება ამ საკითხის მიმართ.

„ჩვენ ევროკავშირი გვთხოვს, რომ მაქსიმალურად ყველა პარტია ჩავრთოთ სამუშაო პროცესებში. ამას რა თქმა უნდა, ანგარიშს გავუწევთ. როგორც გავუწიეთ ანგარიში წინა შემთხვევაში 12 პუნქტთან დაკავშირებით, აქაც ევროკომისიის მოწოდებას ანგარიშს გავუწევთ და კარი გაიხსნება. დანარჩენი არის ოპოზიციის საქმე. აქედან ჩანს როგორია მათი დამოკიდებულება ევროკავშირის, ევროკომისიის მიმართ. როდესაც ევროკომისია გეუბნება, რომ შენ უნდა ჩაერთო სამუშაო პროცესებში და ამის მიუხედავად, არ აპირებ, აქედან ჩანს მათი დამოკიდებულება ევროკავშირის და ზოგადად, ევროინტეგრაციის პროცესის მიმართ.

აბსოლუტურად ყალბია მათი ნებისმიერი ქმედება, რომელიც დაკავშირებულია თითქოს ევროინტეგრაციის საკითხებთან. სინამდვილეში ისინი ყველაფერს აკეთებდნენ იმისთვის, რომ ქვეყანას კანდიდატის სტატუსი არ მიეღო, თუმცა, ევროკომისიის გადაწყვეტილება საპირისპირო მიმართულებით მიდის. სამომავლოდაც ჩვენი მოლოდინია, რომ ისინი ანალოგიური მიდგომით მუშაობას გააგრძელებენ“, - განაცხადა კობახიძემ.

გიორგი ანთაძე - თუ ასე გაგრძელდა, დასავლეთთან ურთიერთობების აღდგენას და სათანადო რელსებზე დაბრუნებას დიდი დრო შეიძლება დასჭირდეს, ან კიდევ სულაც წარმოუდგენლად გართულდეს
იოსებ მურმანიშვილი - ოსტეოართრიტის სამკურნალოდ კლინიკა „ნიუმედი“ პაციენტებს ინექციური მკურნალობის მეთოდს სთავაზობს, რაც მნიშვნელოვნად აუმჯობესებს სახსრების ფუნქციას და შესაბამისად ზრდის პაციენტის ცხოვრების ხარისხს
ქართული პრესის მიმოხილვა 15.07.2024
რობინ ვაგენერი - „უცხოური გავლენის გამჭვირვალობის შესახებ“ კანონთან ერთად ევროკავშირში გაწევრიანება აღარ იქნება - ამის შანსი არ არის
ევროკავშირი პროგრამა „განათლება დასაქმებისთვის” ფარგლებში მნიშვნელოვან შედეგებს აქვეყნებს
TNET-ის რეგისტრაციის ოფისი უძრავი და მოძრავი ქონების გაფორმებისა და რეგისტრაციისთვის თბილისში
.ge დომენი წელიწადი 1 ლარად - Domenebi.ge-ს მომხმარებლებს დომენების 2 წლით შეძენა 51 ლარად შეუძლიათ
გაზრდილი სიჩქარე, უცვლელი ფასი