ნიკოლოზ სამხარაძე - ეუთო-ს საპარლამენტო ასამბლეის პრეზიდენტთან შეხვედრაზე ოკუპირებულ რეგიონებში არსებული ვითარება განვიხილეთ

საგარეო ურთიერთობათა კომიტეტის თავმჯდომარე, ეუთო-ს საპარლამენტო ასამბლეაში საქართველოს დელეგაციის ხელმძღვანელი ნიკოლოზ სამხარაძე ეუთო-ს საპარლამენტო ასამბლეის პრეზიდენტს, პია კაუმას შეხვდა.

საქართველოს პარლამენტის პრესსამსახურის ცნობით, შეხვედრაზე ისაუბრეს ეუთო-ს საპარლამენტო ასამბლეის მნიშვნელოვან როლზე და ასამბლეასთან საქართველოს თანამშრომლობაზე. ხაზი გაესვა ჟენევის მოლაპარაკებების პროცესში ეუთო-ს როლს.

ნიკოლოზ სამხარაძემ სტუმრებს მიაწოდა ინფორმაცია საქართველოს ოკუპირებულ რეგიონებში არსებულ რთულ ვითარებაზე და რუსეთიდან მომდინარე საფრთხეებზე.

შეხვედრისას განიხილეს რეგიონული უსაფრთხოების საკითხები, უკრაინაში მიმდინარე რუსული აგრესია და სომხეთ-აზერბაიჯანს შორის კონფლიქტის მშვიდობიანად გადაჭრის პროცესში საქართველოს როლი.

„ეუთო-ს საპარლამენტო ასამბლეის პრეზიდენტთან შეხვედრაზე განვიხილეთ რეგიონული უსაფრთხოების საკითხები და განსაკუთრებული ხაზი გავუსვით რუსეთის მიერ ოკუპირებულ რეგიონებში არსებულ რთულ ვითარებას. ყურადღება გამახვილდა მომდევნო წელს საქართველოში დაგეგმილ საპარლამენტო არჩევნებზე და ეუთო-ს საპარლამენტო ასამბლეის სადამკვირვებლო მისიის ჩამოსვლაზე", - განაცხადა ნიკოლოზ სამხარაძემ.

მხარეებმა განიხილეს საქართველოს ევროპული ინტეგრაცია და გადადგმული ნაბიჯები.

ეუთო-ს საპარლამენტო ასამბლეის პრეზიდენტმა ქართულ მხარეს მიულოცა ევროკომისიის მიერ პოზიტიური რეკომენდაციის მიღება საქართველოსთვის კანდიდატის სტატუსის მინიჭებასთან დაკავშირებით.

შეხვედრაში ევროპასთან ინტეგრაციის კომიტეტის თავმჯდომარე, ეუთო-ს საპარლამენტო ასამბლეაში საქართველოს დელეგაციის წევრი მაკა ბოჭორიშვილი და საქართველოს ელჩი ავსტრიის რესპუბლიკაში და საქართველოს მუდმივი წარმომადგენელი ეუთო-ში, ქეთევან ციხელაშვილი მონაწილეობდნენ.

ზაზა ფირალიშვილი -  მხოლოდ ერთი ნაბიჯია იმ ზღვრულ მომენტამდე, რომლის შემდეგაც ან დაუფარავი ავტორიტარიზმია, ან - პოლიტიკური კრახი
ვახტანგ ძაბირაძე - 30 წელზე მეტია, ჩვენთან ერთად თუ ვინმეა საქართველოს სუვერენიტეტის დამცველი, ჩვენი დასავლელი პარტნიორები არიან
ქართული პრესის მიმოხილვა 18.04.2024
კერძო ბიზნესის დახმარება რაიონის სკოლებს - „ნიკორა ჯგუფი“ განათლების მხარდაჭერას აგრძელებს
Hotsale.ge-მ „პრო ბონო მარათონი 2024“-ში მიიღო მონაწილეობა
კახა ოქრიაშვილი - საქართველოს მოსახლეობის 95% ევროპის გავლენის აგენტები ვხდებით!
საქართველოს ხელოვანები მიმდინარე პროცესებს ეხმიანებიან
Samsung Knox-მა 2024 წლის ტელევიზორებში უსაფრთხოების მაღალი სტანდარტების უზრუნველყოფისთვის CC სერტიფიკატი მიიღო