ვენეციის კომისიის დელეგაცია საქართველოში შეხვედრებს გამართავს.

15-17 ნოემბერს, საქართველოში ოფიციალური ვიზიტის ფარგლებში, დელეგაციის წარმომადგენლები საქართველოს პარლამენტის თავმჯდომარეს, შალვა პაპუაშვილს, „ქართული ოცნების" თავმჯდომარეს, ირაკლი კობახიძეს, საქართველოს პრეზიდენტს, სალომე ზურაბიშვილს, საქართველოს პრემიერ-მინისტრს, ირაკლი ღარიბაშვილს და საპარლამენტო ოპოზიციური პარტიების ლიდერებს შეხვდებიან.

დელეგაციის შემადგენლობაში შედიან კომისიის ვიცე-პრეზიდენტი, მაიკლ ფრენდო (მალტა), დირექტორი/ვენეციის კომისიის მდივანი, სიმონა გრანატა-მენჯინი და ვენეციის კომისიის წევრი (ნორვეგია), ეირიკ ჰოლმოვიკი, ასევე სამდივნოს წარმომადგენელი ტანია ვან დაიკი.

ვენეციის კომისიის დელეგაცია, საქართველოში ოფიციალური ვიზიტის დასასრულს, 16 ნოემბერს, პრესკონფერენციას გამართავს.