ჯაბა სამუშიამ სტუდენტური თვითმმართველობის წევრებთან უნივერსიტეტში კვების ობიექტების გახსნის საკითხი განიხილა

თბილისის სახელმწიფო უნივერსიტეტის რექტორი, აკადემიკოსი ჯაბა სამუშია და უნივერსიტეტის ადმინისტრაციის ხელმძღვანელი ლაშა საღინაძე, სტუდენტური თვითმმართველობის წარმომადგენლებს შეხვდნენ და უნივერსიტეტში კვების ახალი ობიექტების გახსნის საკითხზე იმსჯელეს.

ამის შესახებ ინფორმაციას თბილისის სახელმწიფო უნივერსიტეტი ავრცელებს.

მათივე ცნობით, ჯაბა სამუშიამ სრული მხარდაჭერა გამოუცხადა სტუდენტების ინიციატივას და აღნიშნა, რომ მომავალი წლიდან უკვე იგეგმება თსუ-ს მეათე კორპუსის მიმდებარე ტერიტორიაზე კვების ახალი ობიექტების გახსნა. აღსანიშნავია, რომ კვების ობიექტების მოწყობის თემაზე მრავალი მცდელობის მიუხედავად ტენდერი ვერ შედგა და უნივერსიტეტმა მიიღო გადაწყვეტილება, თავად უზრუნველყოს სტუდენტებისთვის კვების ობიექტების მოწყობა.

„რექტორმა ასევე აღნიშნა, რომ ის აქტიურად ადევნებს თვალს კვების ობიექტების მუშაობას, იმისათვის, რომ ხარისხი და უსაფრთხოება მუდმივად იყოს პრიორიტეტი. ამ მიმართულებით უკვე გამოიყო პასუხისმგებელი პირი, რომელიც კოორდინირებას გაუწევს შესრულებულ სამუშაოებს.

შეხვედრაზე ხაზი გაესვა იმასაც, რომ ყველა ამ ობიექტში საკვების ფასი იქნება მაქსიმალურად ხელმისაწვდომი.

შეხვედრა დისკუსიის ფორმატში წარიმართა. სტუდენტებმა დააფიქსირეს საკუთარი საჭიროებები, მოსაზრებები და ინიციატივები, მათ შორის, ისეთ საკითხებზე როგორიცაა, ფასების ხელმისაწვდომობა და კვების ობიექტებში მათი დასაქმების შესაძლებლობები“, - ნათქვამია ინფორმაციაში.

გიორგი ანთაძე - „ქართული ოცნების“ პოზიციები ჯერ კიდევ ძლიერია იმისთვის, რომ მის ტოტალურ მარცხზე ვისაუბროთ
ვაჟა ბერიძე - ახლა საქართველოს გამჭრიახი პოლიტიკური ლიდერი სჭირდება, რომელიც დასავლეთისა და რუსეთის წინააღმდეგობებს საჩვენოდ გამოიყენებს - შეძლებს ასეთი ლიდერის როლის შესრულებას ივანიშვილი? - ვნახოთ
ქართული პრესის მიმოხილვა 12.09.2024
წინანდლის ფესტივალის მეექვსე სეზონი დასრულდა
„ვისოლ ჯგუფმა“ „საბვეისთან“ ფრენჩაიზის ექსკლუზიური შეთანხმების პირველივე წლის ბოლოს მე-17 რესტორანი გახსნა
ქარელის მუნიციპალიტეტის სოფელ ძლევიჯვარში ქართულ ჭიდაობაში შოთა ხაბარელის და ნიკოლოზ შერაზადიშვილის სახელობის ტურნირი გაიმართა
გიორგი გახელაძემ მოტოთი ზღვაზე 33 -კმ გაიარა და მსოფლიო რეკორდი დაამყარა
Mastercard-მა, მაღალმთიან აჭარაში, მეწარმე ქალებს უმასპინძლა და მათ ელკომერციის შესაძლებლობები გააცნო