საერთაშორისო რესპუბლიკური ინსტიტუტის (IRI) კვლევის თანახმად, გამოკითხულთა 73% მხარს არ უჭერს რუსეთის მოქალაქეებისთვის საქართველოში უვიზოდ შემოსვლის, ბიზნესის რეგისტრაციისა და ქონების შეძენის უფლებას.

ცნობისთვის, 2023 წლის მარტში გამოკითხულთა ეს მაჩვენებელი 79%-ს შეადგენდა, ხოლო 2022 სექტემბერში - 78%-ს.

უკრაინის წინააღმდეგ რუსეთის მიერ დაწყებული ომის შემდეგ საქართველოში გადმოსულ რუსებზე აზრის გამოკითხვის შედეგები შემდეგნაირად გამოიყურება:

6% - “მათ ძალიან მივესალმებით საქართველოში;”

23% - “ჩვენ მათ ვეგუებით, ვინაიდან არსებითი მნიშვნელობა აქვთ ჩვენი ეკონომიკისთვის;”

23% - “გვირჩევნია, რომ წავიდნენ”;

42% - “რუსეთის მოქალაქეების საქართველოში დაშვებულ არ უნდა იქნან მანამ, სანამ ჩვენს ოკუპირებულ ტერიტორიებს არ დაგვიბრუნებენ.”

1%-მა სხვა პასუხი დაასახელა, ხოლო 6%-მა არ იცის ან უარი განაცხადა პასუხზე.

ინფორმაციისთვის, კვლევა ჩატარდა 2023 წლის 14 სექტემბერი - 14 ოქტომბრის პერიოდში საერთაშორისო რესპუბლიკური ინსტიტუტის კვლევების ცენტრის სახელით, ბალტიის კვლევებისა და გელაპის ორგანიზაციის წარმომადგენლის დოქტორი რასა ალიშაუსკინეს მიერ. კვლევის საველე სამუშაოები ჩატარდა „IPM“-ის მიერ. მონაცემები შეგროვდა პირისპირ ინტერვიუს გზით. შერჩევა მოიცავდა საარჩევნო ხმის უფლებისა და ასაკის მქონე 1200 რესპონდენტს. მონაცემები შეწონილ იქნა ასაკის, სქესის, რეგიონისა და დასახლების ზომის შესაბამისად. ცდომილების ზღვარი წარმოადგენს +/- 2.5 %, გამოპასუხების მაჩვენებელი - 73%. კვლევის განხორციელება შესაძლებელი გახდა ამერიკელი ხალხის მხარდაჭერით, აშშ-ის საერთაშორისო განვითარების სააგენტოს მეშვეობით.