ვაშინგტონში, დემოკრატიული ეროვნული კომიტეტის შტაბ-ბინასთან, ისრაელი-„ჰამასის“ ომში ცეცხლის შეწყვეტის მოთხოვნით საპროტესტო აქცია გაიმართა. კაპიტოლიუმის პოლიციის ინფორმაციით, აქციაზე, რომლის მონაწილეებიც უკანონოდ და ძალადობრივად მოქმედებდნენ, 150-მდე ადამიანი დააკავეს.

მათივე ცნობით, საპროტესტო აქციის გამო შენობიდან კონგრესმენების ევაკუაცია განხორციელდა.

სოციალურ მედიაში გავრცელებულ კადრებში ჩანს, რომ მომიტინგეები ეწინააღმდეგებიან პოლიციელებს. ბევრ მათგანს აცვია შავი მაისური წარწერით: „შეწყვიტეთ ცეცხლი ახლავე“.

აქციის მონაწილეებს შორის იყვნენ „თუ არა ახლა“ და „ებრაული ხმა მშვიდობისთვის“, რომლებმაც ვაშინგტონში დემონსტრაციები მანამდეც მოაწყვეს.