Euractiv - ჩეხეთი ისრაელის საწინააღმდეგო ლოზუნგების გამოყენებისთვის დასჯის შესაძლებლობას განიხილავს

ჩეხეთი ისრაელის საწინააღმდეგო ლოზუნგების გამოყენებისთვის დასჯის შესაძლებლობას განიხილავს, - ამის შესახებ ინფორმაციას გამოცემა Euractiv-ი ავრცელებს.

Euractiv-ის ცნობით, ჩეხეთის ხელისუფლებამ, სამართალდამცავებთან ერთად, საზოგადოებრივი გამოსვლების დროს ანტისემიტიზმთან ბრძოლის ღონისძიებები განიხილა. კერძოდ, ხელისუფლებამ სლოგანის - „მდინარიდან ზღვამდე, პალესტინა თავისუფალი იქნება“ გამოყენებისას დასჯის სხვადასხვა მექანიზმები განიხილა.

„სლოგანი ისტორიულად ისრაელის სახელმწიფოს განადგურებისა და მოსახლეობის ნაწილის ლიკვიდაციის მკაფიოდ ჩამოყალიბებულ მოთხოვნასთან დაკავშირებით გამოიყენება“, - განაცხადა ჩეხეთის შინაგან საქმეთა სამინისტროს სპიკერმა, კლარა დლუბალოვამ.

ჩეხეთის შინაგან საქმეთა სამინისტრომ აღნიშნა, რომ პირი, რომელიც ზემოთ აღნიშნულ სლოგანს გამოიყენებს, შესაძლოა ტერორიზმის მხარდაჭერის, ადამიანთა ჯგუფის მიმართ სიძულვილის გაღვივებისა და გენოციდის უარყოფის ბრალდებით გასამართლდეს.

ალექსანდრე თვალჭრელიძე - ძალიან მინდა დავიჯერო, რომ ჩინური კომპანიის შერჩევა პროექტის განსახორციელებლად უბრალოდ გაუაზრებელი ნაბიჯია და არა პოლიტიკური ტრენდის შეცვლის შემაშფოთებელი ნიშანი
Webster University Georgia-ს რექტორი ჟან პოლ ვან მარისინგი - უნივერსიტეტს აქვს პოტენციალი, რეგიონის საგანმანათლებლო ჰაბი გახდეს
ქართული პრესის მიმოხილვა 24.06.2024
„საქკაბელმა“ ბრონირებული NAYBY კაბელის წარმოება დაიწყო
4 რჩევა სამსუნგის ინჟინრებისგან თუ როგორ გამოიყენო Windfree კონდიციონერი ყველაზე ეფექტურად