„საქართველოს ბანკის“ მხარდაჭერით „იდეა დეველოპმენტი“ ახალ მულტიფუნქციურ საცხოვრებელ კომპლექსს აშენებს

„საქართველოს ბანკი“, როგორც ძლიერი კერძო ფინანსური ინსტიტუტი, ბიზნესის მხარდაჭერას აქტიურ რეჟიმში განაგრძობს. ამ მიზნით, ბანკთან თანამშრომლობით „იდეა დეველოპმენტი“ ახალ მულტიფუნქციური საცხოვრებელი კომპლექსის სამშენებლო პროექტს - იდეა პანორამას, ვაკე - საბურთალოს ტერიტორიაზე, გ. დანელიას ქუჩაზე ახორციელებს.

ამის შესახებ ინფორმაციას „საქართველოს ბანკი“ ავრცელებს.

მათივე ცნობით, „იდეა პანორამას“ თანამედროვე კონცეფციის პროექტი 3 დამოუკიდებელ ბლოკს მოიცავს, რომელიც 3 ჰექტარზე აშენდება. საწყის ეტაპზე დაგეგმილია პირველი ბლოკის მშენებლობა, რომელიც 12 890 კვ.მ - ზე სამ საოფისე/კომერციულ და 11 სართულიან საცხოვრებელ კომპლექსს გულისხმობს. კომპლექსის ტერიტორიაზე განთავსდება სკვერი, საბავშვო სათამაშო ზონებით, პადელის მოედანი, ღია და დახურული ავტოსადგომი და სხვა. პროექტის ფარგლებში ასევე დაგეგმილია, საერთო სარეკრეაციო ზონების, მათ შორის სასეირნო ბილიკებისა და საერთო გამწვანებულ ტერასის მოწყობა. მშენებლობა 2023 წელს დაიწყო და 2025 წლის შემოდგომაზე დასრულდება.

იდეა დეველოპმენტის დამფუძნებლის, სანდრო თავხელიძის განცხადებით, პროექტის ერთ-ერთ მთავარ უპირატესობას ადგილმდებარეობა წარმოადგენს.

"პროექტის ერთ-ერთ მთავარ უპირატესობას ადგილმდებარეობა წარმოადგენს. გვსურდა, ჩვენი მობინადრეებისთვის შეგვექმნა ბალანსი ქალაქსა და ბუნებას შორის და შესაბამისად, მათ შესაძლებლობა ექნებათ დატკბნენ ბუნებით, სუფთა ჰაერით, ულამაზესი პანორამული ხედებით და სულ რამდენიმე წუთში აღმოჩნდნენ ცენტრალურ ლოკაციებთან (ქალაქის ცენტრალური პარკი; ვაკე-საბურთალოს დამაკავშირებელი გზა; საბურთალო-ბაგების დამაკავშირებელი ხიდი; მეტრო უნივერსიტეტი და სხვა.) ამასთანავე, შენობას აქვს უნიკალური არქიტექტურა, რომელიც იმეორებს ბუნებრივ რელიეფს და ერწყმის გარემოს. „იდეა პანორამას” თითოეული ბინიდან იშლება ულამაზესი ხედი მდინარე ვერეს ხეობაზე და სწორედ ამიტომ, პროექტის ყველა ბინას აქვს მრავალფუნქციური ტერასა და აპარტამენტების თითოეული ოთახი მიმართულია ხედისკენ. პროექტი ასევე გამოირჩევა მაღალი საინვესტიციო პოტენციალით, რადგან ის სწრაფად განვითარებად ტერიტორიაზე მდებარეობს. აღსანიშნავია, რომ პროექტი „საქართველოს ბანკის“ მიერ არის დაფინანსებული, რაც უზრუნველყოფს მომხმარებლის სიმშვიდეს „იდეა პანორამაში“ ინვესტირებისას“, - აცხადებს სანდრო თავხელიძე.

„საქართველოს ბანკის“ კორპორაციული გაყიდვების სექტორის უფროსის, გიორგი სახვაძის განცხადებით, „საქართველოს ბანკისთვის“ ერთ-ერთ პრიორიტეტულ მიმართულებას სამშენებლო სექტორის მხარდაჭერა წარმოადგენს.

„საქართველოს ბანკისთვის“, როგორც ბიზნესის მხარდამჭერი კერძო ფინანსური ინსტიტუტისთვის, ერთ-ერთ პრიორიტეტულ მიმართულებას სამშენებლო სექტორის მხარდაჭერა წარმოადგენს. „იდეა დეველოპმენტთან“ პარტნიორობის ფარგლებში თბილისში კიდევ ერთი მასშტაბური პროექტი - იდეა პანორამა ხორციელდება, ვაკე-საბურთალოს ტერიტორიაზე. აქვე, აღსანიშნავია რომ ფინანსური ინსტიტუტი მრავალი წელია „ოქსონ სოლუშენთან“ პარტნიორობს, რომლის მენეჯმენტის ქვეშ ერთიანდება „იდეა დეველოპმენტი“ და „მკისა“, რომელმაც „საქართველოს ბანკის“ მხარდაჭერით ნუშისა და მოცვის ბაღები გააშენა. მოხარული ვართ, რომ კომპანია მუდმივად ვითარდება და გვაქვს შესაძლებლობა, ხელი შევუწყოთ მის გაძლიერებას. ჩვენ აქ არ ვჩერდებით და აქტიურ რეჟიმში ვაგრძელებთ ბიზნესის გაძლიერებისკენ მიმართული ინიციატივების განხორციელებას, რადგან მიგვაჩნია, რომ ძლიერი კერძო სექტორი ქვეყნის განვითარების საწინდარია“, - აღნიშნა გიორგი სახვაძემ.

რობინ დანიგანი - ვცდილობთ თუ არა ქართველი ხალხის დასანქცირებას? ცალსახად არა! ჩვენ გვსურს საუკეთესო ამ ქვეყნისთვის და გვსურს, რომ ეს ქვეყანა წარმატებული იყოს
ქართული პრესის მიმოხილვა 17.06.2024
ესტონეთის ელჩი - თუ გვინდა ევროკავშირის წევრობა, უნდა ვითამაშოთ წესების მიხედვით - საქართველოს ხელისუფლება ამბობს, რომ უახლოვდება ევროკავშირს, მაგრამ მათი ქმედებები ამას არ ადასტურებს
„დაგროვებითი პენსიის შესახებ“ კანონში ცვლილებები შედის - რა სიახლეებს უნდა ელოდონ საპენსიო სქემის მონაწილეები
როგორ ვებრძოლოთ მოგზაურთა დიარეას
„სიმეტრია პარკი“ მთაწმინდის რაიონში კომერციული ფართის მშენებლობის დასრულებას აანონსებს
ISET-ის ფინანსების სამაგისტრო პროგრამამ CFA ინსტიტუტთან აფილირება მიიღო
„ბიზნეს ოსკარად“ წოდებული „ოქროს ბრენდის“ დაჯილდოებაზე PSP კვლავ N1 ფარმაცევტულ ბრენდად აღიარეს
ისრაელის ელჩი ჰადას მეიცადი - ის, ვინც იწყებს ომს და შემდეგ აგებს, არ არის მსხვერპლი