ნორვეგიის იუსტიციის მინისტრი - მზად ვართ, საჭიროების შემთხვევაში, რუსეთთან საზღვარი დაუყოვნებლივ დავხუროთ

ნორვეგიის იუსტიციის მინისტრის, ემილი ენგერ მეჰლის განცხადებით, ქვეყანა მზადაა, საჭიროების შემთხვევაში, რუსეთთან საზღვარი დახუროს.

მინისტრის განმარტებით, ამჟამად, რუსეთთან ერთადერთ სახმელეთო სასაზღვრო გამშვებ პუნქტში თავშესაფრის მაძიებელთა მზარდი ნაკადი არ ფიქსირდება.

„ჩვენ ყურადღებით ვადევნებთ თვალს სიტუაციას და შესაძლოა მიზანშეწონილი იყოს საზღვრის დაუყოვნებლივ დახურვა, საჭიროების შემთხვევაში“, - აღნიშნა მინისტრმა.

მისივე თქმით, ნორვეგიაში რუსეთთან საზღვარზე ისეთი მდგომარეობა არ არის, როგორიც ფინეთში დაფიქსირდა. მანამდე ცნობილი გახდა, რომ ფინეთის მთავრობამ თავშესაფრის მაძიებელთა მზარდი ნაკადის გამო, რუსეთთან საზღვარზე რამდენიმე საგუშაგოს დაკეტვის გადაწყვეტილება მიიღო.

იმატრას, ნიირალას, ნუიიამაას და ვაალიმაას სასაზღვრო გამშვები პუნქტები 18 ნოემბრის 00:00 საათიდან დაიკეტება და შეზღუდვები ძალაში 2024 წლის 18 თებერვლამდე დარჩება.

ვახტანგ ხმალაძე - თბილისის საქალაქო სასამართლოს მოსამართლე პრეზიდენტის კონსტიტუციურ უფლებამოსილებებში შეიჭრა, რისი უფლებაც მას არ ჰქონდა
გიორგი გობრონიძე - ხელისუფლება საზოგადოებასთან ბოლომდე გულწრფელი არ არის
ქართული პრესის მიმოხილვა 22.07.2024
კახეთის გზატკეცილზე „კარფურის” სუპერმარკეტი უკვე გაიხსნა
„ბიოგრაფი ლივინგი“ დეველოპერულ ბაზარზე მოღვაწეობის პირველივე წლის ბოლოს მე-4 ახალ პროექტს იწყებს
Keepz-მა ღია ბანკინგის ლიცენზია მიიღო