თსუ-ში „პოლიტიკური სკოლა“ დაფუძნდა

ივანე ჯავახიშვილის სახელობის თბილისის სახელმწიფო უნივერსიტეტში სტუდენტური კლუბი „პოლიტიკური სკოლა" დაფუძნდა, რომლის ორგანიზატორები თსუ ჰუმანიტარულ მეცნიერებათა ფაკულტეტის ფილოლოგიის მიმართულების სტუდენტები არიან. ინფორმაციას ამის შესახებ ივანე ჯავახიშვილის სახელობის თბილისის სახელმწიფო უნივერსიტეტი ავრცელებს.

უნივერსიტეტის პრესსამსახურის ცნობით, კლუბის დაფუძნება სტუდენტებს თბილისის სახელმწიფო უნივერსიტეტის რექტორმა, აკადემიკოსმა ჯაბა სამუშიამ მიულოცა, მომავალ საქმიანობაში წარმატება უსურვა და კლუბის პროექტების განხორციელებაში მაქსიმალური მხარდაჭერა აღუთქვა.

„უნივერსიტეტი ის ადგილია, სადაც ადამიანებმა პოლიტიკური კულტურა, დებატების ხელოვნება, ოპონენტთან ურთიერთობა და განსხვავებული აზრის პატივისცემა უნდა ისწავლონ. მნიშვნელოვანია, ახალგაზრდები ერთად დასხდეთ და ქვეყნის მომავალზე, მიმდინარე პროცესებზე, დემოკრატიულ ფასეულობებზე იმსჯელოთ და მსგავს საკითხებზე დისკუსიები ხშირად გამართოთ. მნიშვნელოვანია, რომ კლუბში გაწევრიანების სურვილი ტექნიკური უნივერსიტეტის სტუდენტებმაც გამოთქვეს, რადგან ერთობლივი პროექტებით და ღონისძიებებით ხელი შეეწყობა ორი უნივერსიტეტის თანამშრომლობას და სტუდენტების მეტად დაახლოებას“, - აღნიშნა ჯაბა სამუშიამ სტუდენტებთან შეხვედრისას.

სტუდენტური ინიციატივის მიზანია პოლიტიკური თვითშეგნების ამაღლებისა და მაღალი სოციალური პასუხისმგებლობის მქონე აქტიურ მოქალაქეებად ჩამოყალიბების საკითხში წვლილის შეტანა. კლუბში გაწევრიანება ყველა დაინტერესებულ პირს შეუძლია.

რას გულისხმობს ეროვნულ სასწავლო გეგმაში ცვლილებები, როგორ მიმდინარეობს სკოლების ავტორიზაციის პროცესი და იგეგმება თუ არა დირექტორების ვაკანტურ თანამდებობებზე კონკურსის გამოცხადება - ინტერვიუ განათლების მინისტრის მოადგილესთან
ავთანდილ წულაძე  - გერმანიის ექსპერტებმა მოამზადეს მოხსენება, რომლის მიხედვითაც გერმანია ტოტალურად უნდა მოემზადოს რუსეთისაგან თავის დასაცავად
ქართული პრესის მიმოხილვა 27.11.2023
მიხეილ ბატიაშვილი - ქვეყნის ყველაზე მასშტაბური, ციფრული საინფორმაციო ფონდი მალე ხელმისაწვდომი გახდება
გაიცანით Kreston Georgia: გლობალური ექსპერტიზა გლობალური წარმატებისთვის
თიბისის მხარდაჭერით, კოლიერსი საგურამოში და ლისზე საცხოვრებელ პროექტებს განახორციელებს
საქართველოში „The Luxury Collection“-ის კლასის სასტუმრო „პარაგრაფ თბილისი“ გაიხსნა
ახალი Toyota C-HR: ავტომობილი, რომელსაც საქართველოში ბევრი ელოდება
ვალუტის გადარიცხვის ახალი სერვისი - Visa B2B Connect
Gebrüder Weiss თბილისში არსებული ლოგისტიკური ცენტრის რიგით მესამე გაფართოებას იწყებს