იუსტიციის მინისტრის, რატი ბრეგაძის განცხადებით, 2023 წელს სანოტარო მომსახურების უფრო მეტად ხელმისაწვდომობისთვის ბიუროები დამატებით ქარელსა და ბათუმში გაიხსნა.

როგორც მან „მინისტრის საათის“ ფორმატში წარდგენისას აღნიშნა, რიგ ქალაქებში სანოტარო მომსახურებას ერთდროულად რამდენიმე ნოტარიუსი ახორციელებს.

„ჩვენ ვაგრძელებთ სანოტარო მომსახურების ხელმისაწვდომობის ზრდას და, ასევე, რა თქმა უნდა, გვსურს, რომ განვითარდეს სანოტარო მომსახურება რაც შეიძლება კიდევ უფრო მეტად. სწორედ ამისთვის, ასევე, ვაფუძნებთ კვლევით ცენტრს, რომელიც დაკავებული იქნება იმ აქტუალური საკითხების კვლევით",- განაცხადა რატი ბრეგაძემ.