საერთაშორისო ფორუმი „კავკასიის ბიომრავალფეროვნების კვლევები – მიმდინარე საერთაშორისო თანამშრომლობის პერსპექტივიდან" „ილიაუნიში“ 20-21 ნოემბერს ჩატარდება

ილიას სახელმწიფო უნივერსიტეტის G106 აუდიტორიაში, გიორგი წერეთლის N1-ში, 20-21 ნოემბერს, ჩატარდება საერთაშორისო ფორუმი „კავკასიის ბიომრავალფეროვნების კვლევები – მიმდინარე საერთაშორისო თანამშრომლობის პერსპექტივიდან" (Exploring the Biodiversity of the Caucasus – Insights from ongoing international collaborations). ამის შესახებ ინფორმაციას ილიას სახელმწიფო უნივერსიტეტი ავრცელებს.

მათივე ცნობით, ფორუმის ორგანიზატორია ილიას სახელმწიფო უნივერსიტეტისა და ბონის და ჰამბურგის ლაიბნიცის ბიომრავალფეროვნების კვლევითი ინსტიტუტის ერთობლივი კავკასიის სიცოცხლის ბარკოდირების პროექტი (CaBOL).

„ფორუმში მონაწილეობას მიიღებენ ილიას სახელმწიფო უნივერსიტეტის რექტორი ნინო დობორჯგინიძე, საქართველოში გერმანიის ელჩი ერნსტ პეტერ ფიშერი, გერმანიის სამეცნიერო ფონდისა (DFG) და ლაიბნიცის კვლევითი ინსტიტუტის წარმომადგენლები.

„კავკასიის ბიომრავალფეროვნების კვლევები – მიმდინარე საერთაშორისო თანამშრომლობის პერსპექტივიდანზე“ წარმოდგენილი იქნება გერმანიის განათლებისა და კვლევის ფედერალური სამინისტროს (BMBF) მიერ დაფინანსებული კავკასიის სიცოცხლის ბარკოდირების პროექტის (CaBOL) მონაწილე ახალგაზრდა მეცნიერთა მოხსენებები.

ფორუმის ფარგლებში ილიას სახელმწიფო უნივერსიტეტში დაფუძნდება ლაიბნიცის ბიომრავალფეროვნების ქართულ-გერმანული კვლევითი ცენტრი.

კავკასიის სიცოცხლის ბარკოდირების (CaBOL) პროექტი 2020 წელს დაიწყო ილიას სახელმწიფო უნივერსიტეტის კოორდინირებითა და გერმანიის განათლებისა და კვლევების სამინისტროს დაფინანსებით, საქართველოს, სომხეთისა და გერმანიის შვიდი კვლევითი დაწესებულების მონაწილეობით. მისი მიზანი 3 წლის განმავლობაში 50 000 განსხვავებული სახეობის ცხოველისა და მცენარის გენეტიკური აღწერა და კავკასიის მრავალფეროვნების გენეტიკური ბიბლიოთეკის შექმნა იყო. ბოლო ორი წლის განმავლობაში CaBOL-ის პროექტის მკვლევრებმა შეძლეს ათასობით მცენარისა თუ ცხოველის ორგანიზმიდან დნმ-ის გამოყოფა, მათი სახეობის დონეზე იდენტიფიცირება და შექმნეს გენეტიკური ბიბლიოთეკა”, - ნათქვამია ინფორმაციაში.

ირაკლი მელაშვილი - ხელისუფლებასა და ოპოზიციას შორის რაიმე იდეოლოგიური კომპრომისის ადგილი ფაქტობრივად აღარ არსებობს, არჩევანია ან აქეთ - ევროპისკენ, ან იქით - რუსეთისკენ
ქართული პრესის მიმოხილვა 18.07.2024
გაზმომარაგების უმსხვილესმა კომპანია, „თბილისი ენერჯიმ“ BDO Digital-თან პარტნიორობით კიბერ და ინფორმაციული უსაფრთხოების საერთაშორისო სტანდარტი, ISO/IEC 27001:2022 დანერგა
საქართველოს უნივერსიტეტის ჯანმრთელობის მეცნიერებების სკოლა
ახალი „ლენდ კრუიზერ პრადო“ - ლეგენდის თანამედროვე გაგრძელება
20 ივლისიდან სილქნეტი ოპტიკური ინტერნეტის სიჩქარეებს გაზრდის
კავკასიის ტექნოლოგიების სკოლა და კომპანია „პარვუს ჯგუფი“ აბიტურიენტებს და დაინტერესებულ პირებს ენერგეტიკისა და ელექტროინჟინერიის ახალი საბაკალავრო პროგრამის პრეზენტაციაზე იწვევს
კავკასიის მედიცინის ცენტრი JCI აკრედიტებული პირველი მულტიპროფილური რეფერალური ჰოსპიტალი გახდა ქვეყანაში
მეხუთე თაობის „სანტა ფე“ - მზად ნებისმიერი თავგადასავლისთვის