გენერალური პროკურორი ირაკლი შოთაძე ვენეციის კომისიის დელეგაციას შეხვდა

საქართველოს გენერალური პროკურორი ირაკლი შოთაძე ვენეციის კომისიის დელეგაციას შეხვდა. ამის შესახებ ინფორმაციას საქართველოს პროკურატურა ავრცელებს.

მათივე ცნობით, შეხვედრას გენერალური პროკურორის პირველი მოადგილე ბაკურ აბულაძე, საერთაშორისო ურთიერთობებისა და სამართლებრივი უზრუნველყოფის დეპარტამენტის უფროსის მოადგილე ნიკოლოზ ჭინკორაშვილი და საპროკურორო საქმიანობაზე ზედამხედველობისა და სტრატეგიული განვითარების დეპარტამენტის უფროსის მოადგილე მირანდა მელქაძე ესწრებოდნენ.

„დელეგაციის წევრებმა სპეციალური საგამოძიებო სამსახურის კანონთან დაკავშირებულ საკითხებზე მოსაზრების მომზადების მიზნით, ამ უწყების საქმიანობაში პროკურატურის როლის შესახებ გენერალური პროკურორისგან ამომწურავი ინფორმაცია მიიღეს.

მხარეებმა განიხილეს საქართველოსა და ვენეციის კომისიის თანამშრომლობის საკითხებიც.

შეხვედრის დასასრულს, გენერალურმა პროკურორმა საქართველოში ოფიციალური ვიზიტით მყოფ ვენეციის კომისიის დელეგაციის წევრებს სტუმრობისთვის მადლობა გადაუხადა და სამომავლო თანამშრომლობისთვის მზადყოფნა გამოთქვა“,- ნათქვამია ინფორმაციაში.

ვახტანგ ხმალაძე - თბილისის საქალაქო სასამართლოს მოსამართლე პრეზიდენტის კონსტიტუციურ უფლებამოსილებებში შეიჭრა, რისი უფლებაც მას არ ჰქონდა
გიორგი გობრონიძე - ხელისუფლება საზოგადოებასთან ბოლომდე გულწრფელი არ არის
ქართული პრესის მიმოხილვა 22.07.2024
კახეთის გზატკეცილზე „კარფურის” სუპერმარკეტი უკვე გაიხსნა
„ბიოგრაფი ლივინგი“ დეველოპერულ ბაზარზე მოღვაწეობის პირველივე წლის ბოლოს მე-4 ახალ პროექტს იწყებს
Keepz-მა ღია ბანკინგის ლიცენზია მიიღო