ხატია დეკანოიძე - ბარიერის შემცირების თუ მის გარეშე ოპოზიციის ამოცანა არ იცვლება, ეს ამოცანაა, ევროინტეგრაციის გზაზე მთავარი დაბრკოლება - „ქართული ოცნება“ ჩამოსცილდეს ძალაუფლებას

ბარიერის შემცირების თუ მის გარეშე ოპოზიციის ამოცანა არ იცვლება, ეს ამოცანაა, ევროინტეგრაციის გზაზე მთავარი დაბრკოლება - „ქართული ოცნება“ ჩამოსცილდეს ძალაუფლებას და ეს ნებისმიერ შემთხვევაში შესასრულებელია, - ამის შესახებ „ევროოპტიმისტების" დეპუტატმა ხატია დეკანოიძემ განაცხადა.

როგორც მან აღნიშნა, ნებისმიერი კონფიგურაცია და ახალი ალტერნატივა ოპოზიციურ ველზე უნდა ასახავდეს მოქალაქეთა ნებას.

„ბოლო გამოკითხვაც ამას აჩვენებს, მოქალაქეების უდიდესი უმრავლესობა სწორედ ამ განწყობაზეა, რომ საქართველო უნდა გაწევრიანდეს ევროკავშირში, რაც "ქართული ოცნების" პირობებში წარმოუდგენელია. „ქართული ოცნების“ ინტერესი არ არის, რომ რაც შეიძლება დემოკრატიული იყოს პარლამენტი. მათ იციან, რომ კოალიცია „ქართული ოცნების“ წინააღმდეგ ძალიან სწრაფად, მალე და ეფექტურად შეიკვრება, ამიტომ მათი ინტერესია მხოლოდ „ნაციონალური მოძრაობა" იყოს პარლამენტში. პოლარიზაციის ხარისხიც ასევე პირველ რიგში „ქართული ოცნების“ ინტერესია. ბარიერით თუ ბარიერის გარეშე, ჩვენი ამოცანა არ იცვლება, ჩვენ უნდა მივიღოთ იმდენი ხმა, რამდენიც საჭირო იქნება ბიძინა ივანიშვილის დასამარცხებლად, ამიტომ ნებისმიერი კონფიგურაცია, ახალი ალტერნატივა უნდა იყოს სწორედ საქართველოს მოქალაქეების ნებაზე დაფუძნებული",- განაცხადა დეკანოიძემ.

სტეპან გრიგორიანი - უახლოეს 2-3 თვეში არსებობს იმის შანსი, რომ თურქეთ-სომხეთის საზღვარი მესამე ქვეყნის მოქალაქეებისა და დიპლომატებისთვის გაიხსნას
ქართული პრესის მიმოხილვა 24.06.2024
ალექსანდრე თვალჭრელიძე - ძალიან მინდა დავიჯერო, რომ ჩინური კომპანიის შერჩევა პროექტის განსახორციელებლად უბრალოდ გაუაზრებელი ნაბიჯია და არა პოლიტიკური ტრენდის შეცვლის შემაშფოთებელი ნიშანი
კახა ოქრიაშვილი - საქართველოსთვის ევროკავშირის კანდიდატი ქვეყნის სტატუსი გაყინულია, რაც იმას ნიშნავს, რომ გაყინულია პერსპეტივა ქართველი მასწავლებლის საშუალო ხელფასი 4 500 ლარი გახდეს
კახა ოქრიაშვილი - 2016 წელს 2 მილიონი „ოცნებას“ გადავუხადე თუ პირადად ბატონ ივანიშვილს?