მამუკა მდინარაძე - ზოგიერთი ოპოზიციონერი ქალბატონი როცა აგინებს სხვას, მაშინ ავიწყდება, რომ ქალია - როცა თავად აგინებენ, მაშინ ქალები არ არიან და მერე თუ ვინმემ პასუხი დაუბრუნა, სპეტაკი და კდემამოსილი ქალბატონები ხდებიან

ერთ მხარეს არიან „ჩმორი“ კაცები და უზრდელი ქალები და დაალაგეს ასეთი სქემა: ქალები „ქართული ოცნების“ მამაკაცებს შეურაცხყოფას აყენებენ, კაცების უმრავლესობა ხმას არ იღებს, უზრდელი ქალები პროვოკაციაზე წამოაგებენ ვიღაცას და მერე შეურაცხყოფაზე ითხოვენ პასუხს - როცა თავად აგინებენ, მაშინ ქალები არ არიან და მერე თუ ვინმემ პასუხი დაუბრუნა, სპეტაკი და კდემამოსილი ქალბატონები ხდებიან, ასე არ გამოვა,- ამის შესახებ პარლამენტის ფრაქცია „ქართული ოცნების“ თავმჯდომარე მამუკა მდინარაძემ ჟურნალისტებს განუცხადა, რითაც უპასუხა კითხვას, ბოლო პერიოდში ოპოზიციონერი ქალი დეპუტატების მიმართ განხორციელებულ სიტყვიერი შეურაცხყოფის თაობაზე.

მისივე თქმით, მაგალითად, საპარლამენტო უმრავლესობის დეპუტატ ლევან მგალობლიშვილს იმდენიც არ უთქვამს ქალი დეპუტატების მიმართ, რაც თავად მას აკადრეს და უთხრეს, როდესაც კალამი ესროლეს.

„ზოგიერთი ოპოზიციონერი ქალბატონი როცა აგინებს სხვას, მაშინ ავიწყდებათ, რომ ქალია. როცა თავად აგინებენ, მაშინ ქალები არ არიან და მერე თუ ვინმემ პასუხი დაუბრუნა, სპეტაკი და კდემამოსილი ქალბატონები ხდებიან, ასე არ გამოვა. უნდა მიხვდნენ, რას აკეთებენ, თვალში კალამს რომ გაარტყამ დეპუტატს, გინდა ქალი იყოს, გინდა კაცი, რომ წამოდგება და რაღაცას მოგიღერებს რომ მოგიშოროს, შეიძლება ადეკვატურ პასუხადაც კი მივიჩნიოთ. თვალში კალამს რომ გაარტყამ და საშინელებას დაუძახებ, რასაც მე ვერ გავიმეორებ, მოგიტრიალდება და პასუხს გცემს, მერე ხდები ქალი და მანამდე არ ხარ ქალი? თუ ჩვენ გენდერსა და თანასწორობაზე ვსაუბრობთ, თვითონ რატომ გამოდიან ასეთი სექსისტური განცხადებებით, რომ როცა უნდათ ქალები არიან და როცა უნდათ, არ არიან? „ნაცმოძრაობის“ ქალებმა სქემა დაალაგეს. არიან ერთ მხარეს "ჩმორი" კაცები და უზრდელი ქალები და დაალაგეს ასეთი სქემა: ქალები აყენებენ „ქართული ოცნების“ მამაკაცებს შეურაცხყოფას, კაცები, მათი უმრავლესობა ხმას არ იღებს, უზრდელი ქალები პროვოკაციაზე წამოაგებენ ვიღაცას და მერე შეურაცხყოფაზე ითხოვენ პასუხს. უზრდელი ქალები არიან, ვერ ვიმეორებ იმ სიტყვებს, რაც მაგალითად, ლევან მგალობლიშვილს, უთხრეს. იმდენიც არ უთქვამს, რაც კალმის სროლის დროს აკადრეს ლევან მგალობლიშვილს. რადგან კამერაში არაა ის ხმა და მხოლოდ მგალობლიშვილის ხმაა, ანუ არ მომხდარა? მე კი არ ვიცავ. როდესაც რაღაც ისეთი ფორმა იყო, ირაკლი ბერაია ღირსეული კაცია და გამოვიდა და უმალ მოიხადა ბოდიში. პირველი ვიყავი ვინც თქვა, რომ ეს მიუღებელი ფორმა იყო. მაგრამ საზღვარი აქვს. როდესაც ისეთ საზიზღრობას ამბობ, რასაც ეთიკის გამო ვერ ვიმეორებ, თვალში კალამს გაარტყამ ადამიანს და შემდეგ პასუხი გიკვირს და ამაზე როგორც ქალი ითხოვ პასუხს, მანამდეც რომ ქალი ხარ, ეს რატომ გავიწყდება“,- განაცხადა მდინარაძემ.

კორნელი კაკაჩია - თუ ხელისუფლებას უნდა ქვეყანამ ევროპული მიმართულებით  თანმიმდევრულად იაროს, მან უნდა შექმნას პირობები, რომ ამ გზაზე პოლიტიკურ სპექტრში და საზოგადოებაში ფართო კონსენსუსი იქნა მიღწეული
რა ხდება ბანკებისა და სადაზღვევო კომპანიების ურთიერთობაში? - ინტერვიუ დაზღვევის კავშირის აღმასრულებელ მდივანთან, ლაშა ნიკოლაძესთან
ქართული პრესის მიმოხილვა 30.11.2023
1 იანვრიდან შპს „თელავგაზის“ არასაყოფაცხოვრებო (კომერციული) მომხმარებლებისთვის ბუნებრივი გაზის საფასური შეიცვლება
1 იანვრიდან შპს „სოკარ ჯორჯია გაზისა“ და სს „საქორგგაზის“ არასაყოფაცხოვრებო (კომერციული) მომხმარებლებისთვის ბუნებრივი გაზის საფასური შეიცვლება
CROSSOVER: კიდევ ერთის ძალა - ლურჯი ოკეანე ახალ, ყოველწლიურ ბიზნესღონისძიებას იწყებს
ზუმერის e-Commerce ევოლუცია - 5 მთავარი სიახლე zoommer.ge-ზე
სილქნეტი - დაჭრილ მებრძოლთა მხარდასაჭერად სამხედრო ატაშეების მარათონი გაიმართა
1 დეკემბერი - შიდსის მსოფლიო დღე - შიდსის ჯანდაცვის ფონდი გვახსენებს - „ჯერ არ დასრულებულა“
„ნექსია საქართველოს“ მმართველი პარტნიორი, გელა მღებრიშვილი Nexia-ს ქსელის EMEA-ს ბორდის წევრად აირჩიეს
სილქნეტი და Visa პირველ ერთობლივ აქციას აანონსებენ
გერმანული ტექნოლოგიით წარმოებული „იტონგის“ აირბლოკი, კომუნალური ხარჯების 40%-მდე დაზოგვის საშუალებას იძლევა - ინოვაცია ქართულ ბაზარზე