ევროკავშირის უმაღლესმა წარმომადგენელმა საგარეო პოლიტიკისა და უსაფრთხოების საკითხებში, ჯოზეფ ბორელმა და იორდანიის მეფე აბდულა II-მ ღაზის სექტორში არსებული სიტუაცია განიხილეს და ჰუმანიტარული პაუზების აუცილებლობაზე ისაუბრეს.

„ჩვენ განვიხილეთ ღაზაში ომი და მშვიდობიანი მოსახლეობის ტანჯვის დასრულების მნიშვნელობა, სასიცოცხლოდ მნიშვნელოვანია ჰუმანიტარული პაუზების შესახებ UNSCR 2712-ის განხორციელება“, - აღნიშნა ჯოზეფ ბორელმა შეხვედრის შემდეგ.

ევროკავშირის უმაღლესმა წარმომადგენელმა ხაზი გაუსვა, რომ ორი სახელმწიფოს მიმართ პოლიტიკური პროცესი უნდა აღდგეს და რომ იორდანიის მეფის როლი გადამწყვეტია.