სლოვაკეთმა უნგრეთთან სასაზღვრო კონტროლი 23 დეკემბრამდე გაახანგრძლივა , - ამის შესახებ ინფორმაციას სააგენტო Reuters-ი ავრცელებს.

დღეს, სლოვაკეთის მთავრობამ უნგრეთთან საზღვარზე დროებითი კონტროლის 23 დეკემბრამდე გახანგრძლივების გადაწყვეტილება მიიღო, რათა არალეგალური მიგრაციის ახალი ტალღა აიცილოს თავიდან.

სლოვაკეთის მთავრობამ აღნიშნა, რომ 2023 წლის დასაწყისიდან ნოემბრამდე დაკავებულ არალეგალ მიგრანტთა რიცხვი წინა წლებთან შედარებით 500%-ით გაიზარდა, თუმცა დაკავებულთა რაოდენობა ნოემბრის პირველ კვირაში 1690-დან 29-მდე შემცირდა.

„შეიძლება დავასკვნათ, რომ შიდა საზღვრებზე კონტროლს, მეზობელ ქვეყნებში გატარებულ მსგავს ღონისძიებებთან ერთად, პრევენციული ხასიათი აქვს“, - ნათქვამია სლოვაკეთის შინაგან საქმეთა სამინისტროს განცხადებაში.

შეგახსენებთ, რომ სლოვაკეთმა სასაზღვრო კონტროლი 5 ოქტომბერს დააწესა.