გიორგი ამილახვარმა ეგვიპტის უმაღლესი განათლების მინისტრთან სამუშაო შეხვედრა გამართა

საქართველოს განათლებისა და მეცნიერების მინისტრი გიორგი ამილახვარი, საქართველოს პარლამენტის განათლებისა და მეცნიერების კომიტეტის თავმჯდომარე გივი მიქანაძესთან ერთად, სამუშაო ვიზიტით ედინბურგში იმყოფება, სადაც უმაღლესი განათლების კონფერენციაში სახელწოდებით “Going Global 2023” მონაწილეობს. ინფორმაციას განათლებისა და მეცნიერების სამინისტრო ავრცელებს.

უწყების ცნობით, ვიზიტის ფარგლებში, გიორგი ამილახვარმა შეხვედრა გამართა ეგვიპტის უმაღლესი განათლებისა და სამეცნიერო კვლევების მინისტრთან აიმან აშურთან.

„მხარეებმა ქვეყნებს შორის უმაღლესი განათლებისა და მეცნიერების სფეროში არსებული და სამომავლო თანამშრომლობის საკითხები განიხილეს.

გიორგი ამილახვარმა აიმან აშურს საქართველოში უმაღლესი და პროფესიული განათლების საფეხურებზე მიმდინარე რეფორმები და პროფესიული განათლების განვითარების ახალი ხედვა გააცნო, რომელიც გულისხმობს განათლების სისტემაში კერძო სექტორის აქტიურ ჩართულობას. მინისტრმა შეხვედრის მონაწილეებს ასევე მიაწოდა ინფორმაცია უმაღლესი განათლების ინტერნაციონალიზაციის კუთხით სამინისტროს მიერ გადადგმული ნაბიჯების შესახებ.

შეხვედრის დასასრულს ეგვიპტურმა მხარემ საქართველოსთან თანამშრომლობისა და უმაღლესი განათლების საფეხურზე ერთობლივი საგანმანათლებლო პროექტების განხორციელების მზაობა გამოთქვა. მხარეები შეთანხმდნენ, რომ სამეცნიერო კვლევების მხარდაჭერის მიზნით, კერძოდ, არქეოლოგიის მიმართულებით ჩამოყალიბდება სამუშაო ჯგუფი, რომელიც სხვადასხვა აქტუალურ საკითხზე იმუშავებს.

ედინბურგში, ბრიტანეთის საბჭოს ორგანიზებით მიმდინარე უმაღლესი განათლების კონფერენციაში სახელწოდებით ,,Going Global 2023” მსოფლიოს სხვადასხვა ქვეყნის განათლების მინისტრები და ლიდერები მონაწილეობენ, რომლებიც უმაღლესი განათლების მიმართულებით არსებულ გამოწვევებს, მათი გადაჭრის გზებსა და სამომავლო თანამშრომლობის პერსპექტივებს განიხილავენ“, - აღნიშნულია ინფორმაციაში.

რას გულისხმობს ეროვნულ სასწავლო გეგმაში ცვლილებები, როგორ მიმდინარეობს სკოლების ავტორიზაციის პროცესი და იგეგმება თუ არა დირექტორების ვაკანტურ თანამდებობებზე კონკურსის გამოცხადება - ინტერვიუ განათლების მინისტრის მოადგილესთან
ავთანდილ წულაძე  - გერმანიის ექსპერტებმა მოამზადეს მოხსენება, რომლის მიხედვითაც გერმანია ტოტალურად უნდა მოემზადოს რუსეთისაგან თავის დასაცავად
ქართული პრესის მიმოხილვა 27.11.2023
მიხეილ ბატიაშვილი - ქვეყნის ყველაზე მასშტაბური, ციფრული საინფორმაციო ფონდი მალე ხელმისაწვდომი გახდება
გაიცანით Kreston Georgia: გლობალური ექსპერტიზა გლობალური წარმატებისთვის
თიბისის მხარდაჭერით, კოლიერსი საგურამოში და ლისზე საცხოვრებელ პროექტებს განახორციელებს
საქართველოში „The Luxury Collection“-ის კლასის სასტუმრო „პარაგრაფ თბილისი“ გაიხსნა
ახალი Toyota C-HR: ავტომობილი, რომელსაც საქართველოში ბევრი ელოდება
ვალუტის გადარიცხვის ახალი სერვისი - Visa B2B Connect
Gebrüder Weiss თბილისში არსებული ლოგისტიკური ცენტრის რიგით მესამე გაფართოებას იწყებს