ესპანეთის პრემიერ-მინისტრმა ახალი მთავრობის შემადგენლობა დაასახელა

ესპანეთის პრემიერ-მინისტრმა, პედრო სანჩესმა ახალი მთავრობის შემადგენლობა დაასახელა. ამის შესახებ ინფორმაციას El Mundo ავრცელებს.

ესპანეთის პრემიერ-მინისტრმა, პედრო სანჩესმა, რომელმაც მთავრობის ფორმირებისთვის საპარლამენტო მანდატი გასულ კვირას მიიღო, მთავრობის ახალი კაბინეტის შემადგენლობა გამოაცხადა, სადაც ოფიციალური პირების უმეტესობა ძველ საკვანძო პოზიციებს ინარჩუნებს, მათ შორის არიან თავდაცვისა და საგარეო საქმეთა სამინისტროების ხელმძღვანელები.

პედრო სანჩსის სოციალისტურ მუშათა პარტია, ისევე როგორც წინა მთავრობა, ძირითად სამინისტროებს გააკონტროლებს.

ამრიგად, საგარეო საქმეთა მინისტრი, ხოსე მანუელ ალბარესი და თავდაცვის მინისტრი, მარგარიტა რობლესი, ასევე შინაგან საქმეთა და სოფლის მეურნეობის სამინისტროს ხელმძღვანელები თავიანთ თანამდებობებზე რჩებიან.

ესპანეთის მთავრობის ახალი კაბინეტი 22 მინისტრისგან შედგება, რომელთაგან 12 ქალია, ასევე, ქალია სანჩესის ოთხივე ვიცე-პრემიერი.

მთავრობის შემადგენლობის დასახელებისას პედრო სანჩესმა აღნიშნა, რომ ახალ კაბინეტს

„შესანიშნავი ფემინისტური აქცენტი“ აქვს და შედგება „ადამიანებისგან, რომლებსაც შეუძლიათ არა მხოლოდ ხელმძღვანელობა, არამედ შეთანხმებების მიღწევა და საჯაროდ მათი ახსნა“.

ვახტანგ ხმალაძე - თბილისის საქალაქო სასამართლოს მოსამართლე პრეზიდენტის კონსტიტუციურ უფლებამოსილებებში შეიჭრა, რისი უფლებაც მას არ ჰქონდა
გიორგი გობრონიძე - ხელისუფლება საზოგადოებასთან ბოლომდე გულწრფელი არ არის
ქართული პრესის მიმოხილვა 22.07.2024
კახეთის გზატკეცილზე „კარფურის” სუპერმარკეტი უკვე გაიხსნა
„ბიოგრაფი ლივინგი“ დეველოპერულ ბაზარზე მოღვაწეობის პირველივე წლის ბოლოს მე-4 ახალ პროექტს იწყებს
Keepz-მა ღია ბანკინგის ლიცენზია მიიღო