ანჯეი დუდა - თუ რუსეთი არ დამარცხდება, კვლავ განახორციელებს თავდასხმას - უკრაინამ უნდა მიიღოს უსაფრთხოების მტკიცე გარანტიები და ეს არის ნატოში შესვლის გარანტია

თუ რუსეთი არ დამარცხდება, ის კვლავ განახორციელებს თავდასხმას, - ამის შესახებ პოლონეთის პრეზიდენტმა, ანჯეი დუდამ განაცხადა.

„თუ რუსეთი არ დამარცხდება, ის კვლავ განახორციელებს თავდასხმას. ჩვენ ეჭვი არ გვეპარება, რომ დღეს უკრაინა არის ადგილი, სადაც ჩვენი უსაფრთხოების ბედი წყდება“, - განაცხადა პოლონეთის პრეზიდენტმა ფინელ კოლეგასთან, საული ნიინისტოსთან ერთად გამართულ პრესკონფერენციაზე.

დუდას თქმით, პოლონეთი უკრაინის მხარდაჭერას გააგრძელებს.

„როგორც პოლონეთი, ჩვენ მხარს ვუჭერთ უკრაინას და ამის გაკეთებას გავაგრძელებთ. ჩვენი აზრით, ეს უნდა გაკეთდეს სრულ გამარჯვებამდე, ანუ საერთაშორისოდ აღიარებული საზღვრების აღდგენამდე. უკრაინამ უნდა მიიღოს უსაფრთხოების მტკიცე გარანტიები და ჩვენი აზრით, ეს არის ნატოში შესვლის გარანტია. ჩვენ ამ გზაზე ჩვენს მეზობელს მხარს ვუჭერთ“, - აღნიშნა ანჯეი დუდამ.

ანჯეი დუდამ იმედი გამოთქვა, რომ პოლონეთის მთავრობა უკრაინის მხარდაჭერას გააგრძელებს.

„იმედი მაქვს, რომ პოლონეთის მთავრობა, მიუხედავად პოლიტიკური ბანაკისა, გააგრძელებს იმ პოლიტიკას, რომელიც პოლონეთისა და ევროპული ინტერესების პოლიტიკას წარმოადგენს“, - დაამატა პოლონეთის პრეზიდენტმა.

ლევან ლორთქიფანიძე - დასავლეთის მკაცრი, მიზანმიმართული გადაწყვეტილებები, ივანიშვილს აგრძნობინებს, რომ მან ადრე ჩამოწერა აშშ და ევროკავშირი, რომ დასავლეთი არ აპირებს ხელი აიღოს თავის ინტერესებზე სამხრეთ კავკასიაში
ქართული პრესის მიმოხილვა 15.07.2024
მეხუთე თაობის „სანტა ფე“ - მზად ნებისმიერი თავგადასავლისთვის