ირაკლი კობახიძე - ფაქტია, მიხეილ სააკაშვილის შეწყალების გადაწყვეტილება დღის წესრიგში არ დამდგარა - ეს კაცი ორი წელი კვდებოდა, მისი მობრუნება შეუძლებელი იყო, თუმცა ვხედავთ, რომ მობრუნდა, აღარ კვდება

სალომე ზურაბიშვილი ბოლომდე არის დამოკიდებული კონკრეტულ ძალებზე - რასაც ეტყვიან იმას გააკეთებს, მაგრამ ფაქტია, [მიხეილ სააკაშვილის შეწყალების] გადაწყვეტილება დღემდე დღის წესრიგში არ დამდგარა, - ამის შესახებ „ქართული ოცნების“ თავმჯდომარემ, ირაკლი კობახიძემ განაცხადა.

მისივე თქმით, შეიძლება, გარკვეული მიზეზები არსებობდეს, რის გამოც საქართველოს პრეზიდენტი სალომე ზურაბიშვილი ქვეყნის მესამე პრეზიდენტის, მიხეილ სააკაშვილის შეწყალებისგან დღემდე თავს იკავებს.

როგორც კობახიძე აღნიშნავს, მიხეილ სააკაშვილის გუშინდელი განცხადებები, რომელიც მან სალომე ზურაბიშვილთან დაკავშირებით გააკეთა, „ნაციონალურ მოძრაობასა“ და ზურაბიშვილს შორის ალიანსს ადასტურებს.

„სინამდვილეში თვითონ გახდა სალომე ზურაბიშვილი კოლექტიური „ნაცმოძრაობის“ შემადგენელი ნაწილი. შეიძლება, გარკვეული მიზეზები არსებობდეს, რომლის გამოც ის დღემდე სააკაშვილის შეწყალებისგან თავს იკავებს. შეიძლება, იყოს ეს სხვა მიმდინარე საქმეები, შეიძლება, სხვა მიზეზი. ვერ გეტყვით, გამიჭირდება პროგნოზების გაკეთება. ერთი რამ ცხადია - სალომე ზურაბიშვილი ბოლომდე არის დამოკიდებული კონკრეტულ ძალებზე, რასაც ეტყვიან იმას გააკეთებს, მაგრამ ფაქტია, რომ დღემდე ეს გადაწყვეტილება არ დამდგარა დღის წესრიგში“, - განაცხადა კობახიძემ.

ამასთან, „ქართული ოცნების“ თავმჯდომარე აღნიშნავს, რომ მიხეილ სააკაშვილის სურვილი, მობრუნდეს პოლიტიკაში, წარუმატებლობისთვისაა განწირული.

მისივე შეფასებით, ყოფილი პრეზიდენტის ქმედებები არასერიოზულია.

„არ ვიცი, ეს კაცი ორი წელი კვდებოდა, მისი მობრუნება იყო შეუძლებელი, თუმცა ნუ, ვხედავთ, რომ მობრუნდა, აღარ კვდება. რეალურად, მისი დამოკიდებულება არის აბსოლუტურად არასერიოზული. ჯერ ორი წლის განმავლობაში, სიმულიანტობდა, მართლა პირდაპირ ამ სიტყვის მნიშვნელობით. ბოლომდე ხომ დააზიანა მან საკუთარი რეპუტაცია. დარწმუნებული ვარ, მის მხარდამჭერებს შორისაც კი შეელახა მას რეპუტაცია. როდესაც საკუთარი მხარდამჭერი გიყურებს და ხედავს, რომ სიმულანტობ, ასეთ დროს პოლიტიკური იმიჯის შენარჩუნება უბრალოდ წარმოუდგენელია. ასეთ დროს, მისი სურვილი, მობრუნდეს პოლიტიკაში, რა თქმა უნდა, წარუმატებლობისთვისაა განწირული“, - განაცხადა ირაკლი კობახიძემ.

მან ასევე „სტრატეგია აღმაშენებელთან“ დაკავშირებით დასმულ კითხვას უპასუხა იმასთან დაკავშირებით, რომ პარტია არ გამორიცხავს, ზურაბიშვილმა თანამდებობა ვადაზე ადრე დატოვოს და საარჩევნო პროცესში ჩაერთოს.

„ჩვენც გვქონდა ამაზე საუბარი. არსებობს ასეთი გეგმა - სალომე ზურაბიშვილი, ნინო ლომჯარია, გიორგი გახარია, რაც მეტი 3%-იანი, 2%-იანი, 1%-იანი პარტია იქნება შემდეგ არჩევნებზე წარმოდგენილი, მით უკეთესი ჩვენთვის. მით მეტ ხმებს დაკარგავს ოპოზიცია მთლიანობაში და მით მეტი მანდატი წამოვა ჩვენკენ“, - აღნიშნა კობახიძემ.

რობინ ვაგენერი - „უცხოური გავლენის გამჭვირვალობის შესახებ“ კანონთან ერთად ევროკავშირში გაწევრიანება აღარ იქნება - ამის შანსი არ არის
ქართული პრესის მიმოხილვა 11.07.2024
ვახტანგ ძაბირაძე - თუ  ყველაფერი ასე გაგრძელდა, თან ამას დაემატა დასავლეთის მიერ არჩევნების შედეგების არ აღიარება, დასავლეთის საქართველოსთან პარტნიორობა დასრულდება და დასრულდება ყველა მიმართულებით
ფლორენს ბაუერი - დემოგრაფიულ ცვლილებასთან გამკლავების საუკეთესო გზა არის ისეთი პირობების შექმნა, რომელიც ადამიანებს საკუთარი მომავლისა და ოჯახის მიმართ მტკიცე რწმენას გაუჩენს
უპრეცედენტო პირობები Renault Captur-ის ახალი ავტომობილის შეძენისას
თიბისი სტარტაპერებისთვის ახალ კამპანიას იწყებს
ბაზისბანკი სვანეთის IV საერთაშორისო კინოფესტივალის ოფიციალური სპონსორია