გერმანიის პოლიციამ სოციალურ ქსელებში ანტისემიტური სიძულვილის ენის გამოყენებაში ბრალდებული 17 ადამიანის სახლში ჩხრეკა ჩაატარა, - ამის შესახებ ინფორმაციას საინფორმაციო სააგენტო The Associated Press-ი ავრცელებს. ეჭვმიტანილებს ბრალად ანტისემიტური სიძულვილის ენის გამოყენება და ინტერნეტში ებრაელების წინააღმდეგ მუქარა ედებათ.

ბავარიის კრიმინალური პოლიციის მიერ გავრცელებული ინფორმაციით, ეჭვმიტანილებიდან 15 კაცი და 2 ქალია, რომელთა ასაკი 18-დან 62 წლამდეა. პოლიციამ ეჭვმიტანილები დაკითხა და მათი სახლებიდან მტკიცებულებები ამოიღო, მათ შორის მობილური ტელეფონები და ლეპტოპები.

ადგილობრივი მედიის ინფორმაციით, ეჭვმიტანილები სოციალურ ქსელებში "ჰამასის" მიერ ისრაელის წინააღმდეგ განხორციელებულ 7 ოქტომბრის თავდასხმას ზეიმობდნენ.