თბილისის საკრებულოს სხდომაზე საკრებულოს სახელდებისა და სიმბოლიკის კომისიის თავმჯდომარე ნინო ვარდოსანიძე ქალაქში დაგეგმილ სიახლეებს გამოეხმაურა და აღნიშნა, რომ არაერთი ინფრასტრუქტურული პროექტის განხორციელება იგეგმება, რაც თბილისის მოსახლეობისთვის ძალიან მნიშვნელოვანია.

„ცნობილი გახდა, რომ მთავრობის ბიუჯეტიდან გამოიყოფა სახსრები, რათა თბილისის მეტროს ძველი ვაგონების ჩანაცვლება მოხდეს. ამ გადაწყვეტილებას შედეგად მოჰყვება ის, რომ უფრო კომფორტულად იმგზავრებენ როგორც ჩვენი მოქალაქეები, ასევე ტურისტები. როგორც დაანონსდა, საერთაშორისო სტანდარტების გათვალისწინებით, 212 ვაგონის განახლება მოხდება. საბოლოოდ კი მეტროს განახლებულ შემადგენლობას მივიღებთ“, - განაცხადა ნინო ვარდოსანიძემ.

სახელდებისა და სიმბოლიკის კომისიის თავმჯდომარემ თავის გამოსვლაში ყურადღება რუსთაველის გამზირის რეაბილიტაციაზე გაამახვილა. მისი თქმით, მსგავსი მასშტაბური პროექტების სირთულე და სიკეთე იმაში მდგომარეობს, რომ მიწისქვეშა კომუნიკაციები სრულად იცვლება, რაც ძალიან მნიშვნელოვანია.

„ბიუჯეტი ქალაქისთვის მნიშვნელოვან საკითხებს ფარავს, გრძელდება და იწყება არაერთი პროექტის დაფინანსება სხვადასხვა პრიორიტეტული მიმართულებებით, რაც თბილისის მოსახლეობისთვის მნიშვნელოვანია. კომისიებზე დეტალურად განვიხილეთ და წარვადგინეთ შესაბამისი რეკომენდაციები და ვფიქრობ, მათი გათვალისწინება შესაძლებელი იქნება“, - განაცხადა ნინო ვარდოსანიძემ.

აღნიშნულ კომენტარს საკრებულო ავრცელებს.