ამერიკელმა სამხედროებმა ერაყში ირანის მიერ მხარდაჭერილი ჯგუფების წინააღმდეგ შეტევა განახორციელეს, - ამის შესახებ ინფორმაციას აშშ-ის ცენტრალური სარდლობა ავრცელებს.

აშშ-ის ცენტრალური სარდლობის ცნობით, დღეს დილით, ამერიკელმა სამხედროებმა ერაყში, ირანისა და ირანის მიერ მხარდაჭერილი ჯგუფების თავდასხმების საპასუხოდ, ორ ობიექტზე შეტევები განახორციელეს.

„დარტყმები პირდაპირი პასუხი იყო ირანისა და ირანის მხარდაჭერილი ჯგუფების მიერ, აშშ-ისა და კოალიციის ძალების წინააღმდეგ, განხორციელებულ თავდასხმებზე“, - წერს აშშ-ის ცენტრალური სარდლობა X-ზე („ტვიტერზე“).