უნგრეთის მმართველმა პარტიამ „ფიდესმა“ პარლამენტს კანონპროექტი „ეროვნული სუვერენიტეტის დაცვის შესახებ“ წარუდგინა, - ამის შესახებ ინფორმაციას გამოცემა Euractiv-ი ავრცელებს.

უნგრეთის პრემიერ-მინისტრის ვიქტორ ორბანის მმართველმა პარტიამ „ფიდესმა“ პარლამენტს კანონპროექტი „ეროვნული სუვერენიტეტის დაცვის შესახებ“ წარუდგინა, რომელიც უცხო პირების და ჯგუფების არასათანადო პოლიტიკური ჩარევის თავიდან არიდებას ისახავს მიზნად.

„უნგრეთის სუვერენიტეტის დარღვევა მოხდება, რაც ასევე ეროვნული უსაფრთხოების გაზრდილ რისკს წარმოადგენს, თუ პოლიტიკური ძალა რომელიმე უცხო სახელმწიფოზე, ორგანიზაციასა თუ პიროვნებაზე დამოკიდებულ პირთა ან ორგანიზაციების ხელში მოხვდება“, - ნათქვამია „ფიდესის“ მიერ წარდგენილ კანონპროექტში.

ცნობისთვის, ორბანის პარტიას უნგრეთის პარლამენტში ხმების ორი მესამედის უმრავლესობა აქვს, რაც „ფიდესს“ კანონმდებლობის შეცვლის შესაძლებლობას აძლევს.