პალესტინის პრეზიდენტი ისრაელსა და „ჰამასს“ შორის მიღწეულ შეთანხმებას მიესალმება
პალესტინის პრეზიდენტი, მაჰმუდ აბასი ისრაელსა და „ჰამასს“ შორის მიღწეულ შეთანხმებას მიესალმება, - ამის შესახებ ინფორმაციას პალესტინის საინფორმაციო სააგენტო Wafa ავრცელებს.
„პრეზიდენტი მაჰმუდ აბასი და ხელმძღვანელობა ჰუმანიტარული ზავის შესახებ შეთანხმებას მიესალმებიან, აფასებენ კატარისა და ეგვიპტის ძალისხმევას და აგრძელებენ პალესტინელი ხალხის წინააღმდეგ ისრაელის აგრესიის შეწყვეტის და ღაზაში ჰუმანიტარული დახმარების შესვლის შესახებ მოწოდების გაკეთებას“, - განაცხადა პალესტინის განმათავისუფლებელი ორგანიზაციის აღმასრულებელი კომიტეტის გენერალურმა მდივანმა ჰუსეინ ალ-შეიხმა.
„აბასი უფრო ფართო პოლიტიკურ გადაწყვეტას მოითხოვს, რომელიც ლეგიტიმურობასა და საერთაშორისო სამართალს ეფუძნება, რაც გამოიწვევს ოკუპაციის დასრულებას და პალესტინელი ხალხის თავისუფლების, დამოუკიდებლობისა და სუვერენიტეტის მიღწევას“, - ალ-შეიხის სიტყვებს პალესტინის საინფორმაციო სააგენტო Wafa ავრცელებს.
