შვედეთი რაც შეიძლება სწრაფად უნდა შეუერთდეს ნატოს, რათა რუსული საფრთხე თავიდან აიცილოს, - ამის შესახებ შვედეთის თავდაცვის მინისტრმა, პოლ იონსონმა განაცხადა.

„ჩვენ რუსეთის ფედერაციის, როგორც საფრთხის, ჩამოწერა არ გვინდა, რადგან მან თავისი გამძლეობა უკრაინაში აჩვენა. ამიტომ, გამოწვევებს უნდა გავუმკლავდეთ და ჩვენ ამას საუკეთესო გზით, ჩვენი ქვეყნის სისუსტეების გაძლიერებით და ნატოში რაც შეიძლება სწრაფი ინტეგრაციით ვაკეთებთ“, - განაცხადა პოლ იონსონმა.

შვედეთის თავდაცვის მინისტრმა აღნიშნა, რომ ის შვედეთის ნატოში გაწევრიანების პროცესის დასრულების კონკრეტულ ვადას ვერ განსაზღვრავს, მაგრამ დარწმუნებულია, რომ თურქეთი და უნგრეთი, საბოლოოდ, შვედეთის ნატოში გაწევრიანების წინადადების რატიფიცირებას მოახდენენ.

შეგახსნებეთ, შვედეთმა ნატოში გაწევრიანების შესახებ განაცხადი, ფინეთთან ერთად, 2022 წლის მაისში გააკეთა. ეს უკანასკნელი ნატოს წევრი ოფიციალურად მიმდინარე წლის აპრილში გახდა.