გიორგი ბარამიძე - იმედი მაქვს, ჩემი მეგობრები, მათ შორის, ისინი, ვინც პარტიას საჯაროდ აკრიტიკებს, შეძლებენ საკუთარ თავში ძალა გამონახონ, რომ მანიფესტს შეუერთდნენ
იმედი მაქვს, ჩემი მეგობრები, მათ შორის, ისინი, ვინც პარტიას სხვადასხვა გადაწყვეტილებასთან დაკავშირებით საჯაროდ აკრიტიკებს, შეძლებენ საკუთარ თავში ძალა გამონახონ, რომ მანიფესტს შეუერთდნენ - ჩვენი ამოცანა არის ერთობა, მიხეილ სააკაშვილის ლიდერობით ბრძოლა და გამარჯვება, - ამის შესახებ "ერთიანი ნაციონალური მოძრაობის" ერთ-ერთმა ლიდერმა, გიორგი ბარამიძემ ჟურნალისტებთან საუბრისას განაცხადა.
მისივე თქმით, „ნაციონალური მოძრაობა“ პარტიიდან არავის გარიცხვას აპირებს.
"ჩვენ უნდა დავამარცხოთ და დავამარცხებთ კიდეც ამ რეჟიმს. ძალა ერთობაშია და თუ ერთად ვიქნებით ის ადამიანები, ვისაც საერთო შეხედულებები და საერთო იდეოლოგიური პლატფორმა გვაქვს, რომელიც არის სწორედ ასახული ამ მანიფესტში, მაშინ ეს ბევრად უფრო ადვილად მოხერხდება. ასე რომ, აქ არავინ არავის ავალდებულებს. ხელმოწერები არ არის სავალდებულო. მე პირადად არაფრის ხელის მოწერას არ ვაპირებ, ვუერთდები ამ მანიფესტს. იმედი მაქვს, რომ ჩემი მეგობრები, მათ შორის, ისინი ვინც პარტიას სხვადასხვა გადაწყვეტილებასთან დაკავშირებით საჯაროდ აკრიტიკებს, შეძლებენ საკუთარ თავში ძალა გამონახონ, რომ მიუერთდნენ ამ მანიფესტს. ყოველ შემთხვევაში არავინ არავის რიცხავს. ძალა ერთობაშია და ჩვენი ამოცანა არის ერთობა, მიხეილ სააკაშვილის ლიდერობით ბრძოლა და გამარჯვება", - განაცხადა ბარამიძემ.
