აზერბაიჯანის რესპუბლიკაში მყოფი რელიგიის საკითხთა სახელმწიფო სააგენტოს თავმჯდომარე, ზაზა ვაშაყმაძე ბელაქანის რაიონის სოფელ ითითალაში მცხოვრებ ქართველ მოსახლეობას შეხვდა და მათი საკითხებით დაინტერესდა. ინფორმაციას რელიგიის სააგენტო ავრცელებს.

მათი ინფორმაციით, ქართველ მოსახლეობასთან შეხვედრის შემდეგ, სააგენტოს დელეგაციამ სოფლის სრული საშუალო სკოლა მოინახულა.

„სკოლაში 380 ბავშვი სწავლობს, მათგან 158 - ქართულ სექტორზე. სააგენტოს თავმჯდომარე სკოლის ქართული სექტორის მასწავლებლებს, მოსწავლეებს და სკოლის დირექტორს, მამედ მუსტაფაევს შეხვდა. პედაგოგებმა სააგენტოს თავმჯდომარეს გააცნეს სკოლის საქმიანობა და არსებული გამოწვევები.

ზაზა ვაშაყმაძე, ასევე, გაეცნო სკოლის ქართული სექტორის მუშაობის სპეციფიკას, მოინახულა ქართული სექტორის საკლასო ოთახები და სკოლის ქართულენოვანი ბიბლიოთეკა. შეხვედრას ესწრებოდნენ ბელაქანის რაიონის გამგებელი, ისლამ რზაევი და სოფლის რწმუნებული გერმან ბალაევი“,-აღნიშნულია ინფორმაციაში.