"ევროპის უნივერსიტეტის" სამართლის ინსტიტუტის ორგანიზებით, "თბილისი მარიოტში" საერთაშორისო კონფერენცია - "საქართველოს ევროკავშირის გაწევრიანების პერსპექტივები" გაიმართება. ინფორმაციას უნივერსიტეტის პრესსამსახური ავრცელებს.

მათი ინფორმაციით, კონფერენციის მიზანია ხელი შეუწყოს აკადემიურ დისკუსიას საქართველოს და ევროკავშირს შორის ურთიერთობის, სამომავლო პერსპექტივებისა და თანამშრომლობის შესახებ. „კონფერენციას მთავრობის წარმომადგენლები, საქართველოს პარლამენტის წევრები, აღნიშნულ თემაზე მომუშავე არასამთავრობო სექტორის წარმომადგენლები, პროფესორები, მკვლევრები და უცხოელი ექსპერტები დაესწრებიან“,-აღნიშნულია ინფორმაციაში.