საქართველოს სახალხო დამცველი ლევან იოსელიანი საქართველოს განათლებისა და მეცნიერების მინისტრს გიორგი ამილახვარს შეხვდა. ამის შესახებ ინფორმაციას ომბუდსმენის აპარატი ავრცელებს.

მათივე ცნობით, შეხვედრაზე სახალხო დამცველმა მინისტრს განათლების მიმართულებით აპარატის საქმიანობა გააცნო, ისაუბრა ადამიანის უფლებების შესახებ ცოდნის დონის ამაღლების მნიშვნელობაზე სამოქალაქო საზოგადოებისთვის და ამ საქმეში სახალხო დამცველის როლსა და აპარატის ადამიანის უფლებათა სწავლების დეპარტამენტის მუშაობას გაუსვა ხაზი.

ამასთან, მხარეები მნიშვნელოვან სახელმწიფო სტრატეგიულ დოკუმენტებში ადამიანის უფლებების სწავლების საკითხის გათვალისწინების აუცილებლობაზე შეთანხმდნენ და სამომავლოდ თანამშრომლობის გაღრმავებისა და გაძლიერების პერსპექტივები განიხილეს.