შვეიცარიის პრეზიდენტი უკრაინაში ჩავიდა.

ამის შესახებ ინფორმაციას პრეზიდენტი, ალენ ბერსე ავრცელებს.

„აქცენტი გლობალურ სასურსათო უსაფრთხოებაზე რუსეთის აგრესიული ომის გავლენასა და უკრაინის მიმართ შვეიცარიის გრძელვადიან მხარდაჭერაზე გაკეთდება“, - წერს ბერსე X-ზე (ყოფილი „ტვიტერი“).

ბერსეს მიერ გავრცელებული ინფორმაციით, იგი უკრაინაში სასურსათო უსაფრთხოების საერთაშორისო სამიტში მიიღებს მონაწილეობას და უკრაინის პრეზიდენტ, ვოლოდიმირ ზელენსკისთან შეხვედრას გამართავს.