რუსეთის შავი ზღვის სანაპირო რეგიონებში ძლიერი შტორმია. ქვეყნის სამხრეთ ნაწილში ქარიშხლისა და წყალდიდობის გამო 1.9 მილიონზე მეტ ადამიანს ელექტროენერგია ამ დრომდე არ მიწოდება.

BBC-ის ინფორმაციით, განსაკუთრებით რთული ვითარება კრასნოდარისა და როსტოვის მხარეებშია. სტიქიურ უბედურებას ქვეყანაში სულ მცირე 4 ადამიანი ემსხვერპლა.

ძლიერმა შტორმმა დააზიანა უკრაინის შავიზღვისპირა რეგიონიც, სადაც 2 000-ზე მეტი დასახლება ელექტროენერგიის გარეშე დარჩა. ძლიერი ქარიშხალი იყო რუსეთის მიერ დროებით ოკუპირებულ ყირიმშიც. გამოცემა ასევე წერს, რომ შავ ზღვაში შტორმის შედეგებს რეგიონის სხვა ქვეყნები, მოლდოვა, ბულგარეთი და საქართველო, ებრძვიან.