„ჰამასი“ აცხადებს, რომ ისრაელმა დროებითი პაუზის გასაგრძელებლად 7 მძევლის გათავისუფლების შეთავაზება უარყო, - ამის შესახებ განცხადებას „ჰამასი“ ავრცელებს.

„ჰამასის“ ცნობით, ღაზაში დაკავებული მხოლოდ 7 ქალისა და ბავშვის აღმოჩენა შეძლო და მზად იყო ისინი ისრაელისთვის გადაეცა, თუმცა შეთავაზებაზე ისრაელმა უარი განაცხადა.

ისრაელი აცხადებს, რომ იგი მზად არის ზავი დამატებით ყოველი 10 გატაცებული მძევლის გათავისუფლების სანაცვლოდ გაგრძელდეს.

შეგახსენებთ, ისრაელსა და „ჰამასს“ შორის შეთანხმებული დროებითი პაუზის დასრულებამდე ერთ საათზე ნაკლები რჩება.